PUN PENGAP
Junok-junok anak pelandok,
Ngerupai ka keri tebu tengang.
Nya baru anak utingBejalai kinding-kinding,
Ngerinding rambing tali dulang.
Lapa jungkar kitai salemai tuTak getar-getar?
Ni enda pia ga tepanSebebar manok menang.
Lapa perabong kitai lemai tuTak lepong-lepong?
Ditampong setunggol gantong,
Nampong ujong pematang pinang.
Perintik langit burik kitai lemai tu,
Baka tisik engkarong lalang.
Tak nyau biru-iru tisi langit radu,
Baka langgu ketunsong ngembang.
Tu baru kita nunda kerejaApai Puntang Raga,
Kadua bali nama iyaSimpang Impang.
Tu baru nunda pentiNiang Begali menya,
Orang ke dulu diau ka bulanMali bekalih tumbang.
Ngading iyang lemambang.
Nyau baru taing-taing isau unding,
Ngerinding pating lamba tebalian ngerang.
Nyadoh kitai betuboh ngading lemambang.
Nya baru aku ngading iyang Aku lemambang Nendak,
Ke baru datai ari pun kemantan burak,
Ke begusak balat begelumbang.
Nya baru aku ngading iyangAku lemambang Luong,
Ke baru datai ari bungkongTebelian ngandong,
Munyi ketebong ngena terantang.
Nyerayong pandong.
Taung-taung belumpong nibong,
Nyadoh ka tuboh nyerayong pandong.
Nya baru angkatIndai Engkechong Burong Ruai,
Mantai ka punggang ampang belulai.
Kamari iya di-injauKumang seduai Jawai,
Kena nyerayong lekaBegumba balang begundai,
Tang ka lemai tu kena nyerayong Semilu batu chanai,
Enggau pamping piring rendai,
Indah enda munyi api makaiReban lama nyanggang.
Lemambang angkat bejalai.
Lalu bejalai anak bujangLemambang Tangga Lulai,
Mai baju panjaiIrit bejalai nipas lubang.
Nyau bejalai serikatAnak bujang lemambang Ingkat,
Baka sarangkap tugal jarang.
Nya baru bejalai nitiPenyurai rumah panjang.
Lalu mansa lampu tungkun tumuBepagar luyang,
Mansa kelita tungkun daraKa dua berambau mansang.
Beranchau tikai.
Nya baru rengai-rengai jaloh nyerarai,
Nyadoh ka tuboh beranchau tikai.
Lalu kembai ka tikai peradani Anyam Endu Dara RemiIndu ke datai ari kaki riam nunggang. Lalu Kembai ka tikai lingkok,
Anyam Endu Dara Lemok,
Indu orang di payok lulong bintang.
Nanggong baku.
Jepu-jepu apong tematu,
Nyadoh ka tuboh nanggong baku,
Baku ke begarugu sarang pinang.
Nya baru apit enggau pinang kunchitMansau burit lega langkang.
Nya baru tanggong kapu abuPuput balu benong mansang.
Lalu diapit enggau sirih sidok,
Ke betumbok tujoh taking.
Berunsut ngena ubat enda layu.
Metat-metat daun emperingatLemambang ke nimang mai ubat.
Ubat enda busong layaUdah dibai lemambang Burong Gaga.
Udah ditanchang ka ining ngadangDisimbang labong surabaya.
Udah digenggam lemambang puanEnggau tangan jari dua.
Dibai tembai iya bejalaiNiti penyurai rumah raya,
Takut ka tepansa ka moa mentua,Ke benama berada rambang.
Ubat enda busong laya pambuUdah dibai anak bujangLemambang empulu,
Udah ditanchang ka iyaDi punggang labong belachu.
Udah digenggam anak bujangLemambang PuanEnggau pesingan tunjok indu.
Dibai anak bujang lemambangTangga Lulai bejalai Niti penyurai rumah merundu.
Nyangka bisi tepansa ka orang,
Ke tau bejako nepang lemambang.
NGERINTAI TUAI.
Ngerintai Tuai Iban
Nya baru terai-terai betenchang ratai,
Nyadoh ka tuboh ngerintai tuai kitai.
Nya baru ngangkat ka sida Ke lama udah tetumpat Tinggang urat melapi nyentang.
Tu baru aku nyerungkai Sida ke lama udah paraiTinggang lantai kelalin jarang.
Tu aku nyebut tuaiKe benama Sera Gindi,
Ke tau ngaga ai maioh bepampang.
Tu baru aku nyebut tuaiKe benama Sera Gindee,
Ke tau ngaga hari antara petang.
Tu baru aku nyebut tuaiKe benama Sera Gindam,
Ke tau ngaga malam ke kelamPagar bintang.
Tu baru aku nyebut tuaiKe benama Sera Gindit,
Ke tau ngaga langit Entilang remang.
Tu baru aku nyebutTuai ke benama Dami,
Ke datai ari titik batu apiMau rerendang.
Tu baru nyebut tuaiKe benama LangkupDudi jadi dulu satamang.
Tuai Batang Ai.
Ni nuan AmbauKe mungkal pengkalan Tabau,
Peling lanting TawangMenang bedagang?
Ni nuan Chaung ke bejulokDidit tutong penguang?
Ni nuan Lanong bejulokTerantang gendang ketebong,
Kena ngalu Aki Jugu Menaul Tuntong,
Datai ari kebong langit ngeruang.
Tuai Skrang.
Nya baru kitai nyapa Lau MoaMungkal Nanga Batang Skrang.
Nya baru nyebut tuai ke benama Manggi,
Datai ari Tisak nanak chelum gelemang.
Nya baru nyebut Mawar Tuai,Pengerintai bala nyerang,
Mawar Biak pematak bala mansang.
Tuai Layar.
Tebang salumbar lumpak lejar Nyadoh ka tuboh Ngerintai Tuai Layar.
Nya baru nyebut tuaiKe benama Entigar Mungkal kapar reba nyegang.
Nya baru nyebut tuaiKe benama TalapKe mungkal endap Pasa Pinang.
Tuai Paku.
Tebang bu-u menalu nusu,
Nyadoh ka tuboh Ngerintai Tuai Paku.
Ni nuan Entigu,Tuai ke dulu lesi Bebadi laya lalu,
Mungkal Ulu Paku Remawang.Ni nuan Entingi,
Tuai ke dulu lesi Bebadi laya rimpi,
Mungkal Bukit Saban Tinggi,
Ke kadiri nadai nenjang.
Tuai Rimbas.
Tebang kempas ragai meringgas,
Nyadoh kitai betubohNgerintai tuai Rimbas.
Ni tuai ke benama Jenua Datai ari rantau Pusa Munyi ke berimba maia nebang.
Ni nuan Padang Apai Duyah,Ditaban ka dungan ikan tapah,Bejanggut ka jadam mau gempanang.Ni tuai ke benama Ningkan,Mungkal Nanga Banan,Seberai pengkalan Nanga Serabang.
Tuai Krian.
Geman-geman sengkawan ridan,
Nyadoh ka tuboh ngerintai tuai Krian.
Nya baru nyebut tuai ke benama Ilun,
Dulu nudok ka aum berumpang Babang.
Nya baru nyebut tuai ke benama Abas,
Dulu mungkal Wong EmbuasKe deras numbok nerajang.
Ni tuai ke benama Tangai,Mungkal tatai lenggang Tabujang?
Ni tuai ke benama SeguatMungkal TengalatTepat ruap bunga pasang?
Tuai Rajang.
Nya baru nyebut tuaiKe benama Sera Bungkok Ketok tunjok penebok tiang tembang.
Entun ka Senaun tuai Rajang.
Nya baru nyebut tuai ke benama Belaka Mungkal rampa Siong nunggang.
Nya baru nyebut tuai ke benama Gubar Ke penyabar bubu batang.
Nya naka tuai DayakUlih aku tesa bilang lemambang,
Nya naka tuai kitaiAku rintai ambi ngabang.
Tuai Laut.
Nya baru giut-giut mambong di Laut,
Pangka ka umbak diguyang gumbang.
Nya baru kitai ngerintaiTuai Laut bansa Abang.
Ni Patinggi Datu JulakKe sidi di jari tunjok anak,
Di-injau Bah Duli netak buah temedak Munyi anak lantang ditimang.
Ni nuan Patinggi Datu NugaKe mantap pala bena Munyi pangka buong nebang.
Tuai orang Panggau Libau
Nya baru riu-riu mambong di batu,
Nyadoh ka tuboh ngerintai tuai antu.
Ni nuan Nading Panas KuningBaka perenching bunga besi.
Sepit Api ke bejari rangang-rangang,Nya berada apai nuan Keling AjiKe berani tau serang.Ni nuan Sempun Murun Api Neraka,Rendang-rendang mandangKa batang sega segala?Nya berada apai nuan LajaAka Dara Lantan Sakumbang.Ni Ngingit Lemai terebaiAri dilah matai kaban manang?Nya berada apai nuan SimpuraiMuntigrai Simbang Jerungkang.Ni Sega SalempaKena ngeringka leka balang?Nya berada apai nuan Simpungga manok liaTeleba dilengka sabong tandang.
Tuai Orang Gelong.
Nya baru taung-taungBelumpong nibongNyadoh ka tubohNgerintai tuai Batang Gelong.Ni nuan Batu AnggongKe beruntong mali balangManok sabong ke putusGerempong tali bulang?Nya berada apai nuan TutongDitelah Bujang Lemandau Gendang.Ni nuan Besi Berani tau silatMantap di pangkat kuta begitang?Nya berada apai nuan Wat IgatDigelar Bujang Bulan Menyimbang.Ni nuan Kelamayang PanasTandok Kijang Ampang BerindasTaring uting babi bepulas?Nya berada apai nuan GelumaMentua manang.Ni nuan Pendawan bemata tajamDitikam ka mali salah?Ni nuan Berayang beruit mulangKe begelemang mandi darah?Nya berada apai nuan Luwak Limban,Ke man sugu mekang.Ni nuan Danan SaperuganTinggi begantong?Nya berada apai nuan Batu IntanKa peduman mali lelang.
Simpurai datai art Panggau Libau.
Lalu datai Simpurai kejah-kejah,Baka beruang mangahNgelampin buah kara kedubang.Ngenjing kepai-kepai baka kesulaiPulai lemai sabong petang.Dia Simpurai lalu ngimbai JawaiIndu di Ensengai Dayang Kumang.Lalu mandong Lulong bebuok galongBaka pulas tekuyong pasang.Udah nya iya bati tuyuBaka paku udah dirembang.Lalu pechal iya di jungkal tusu linyang.
O, anang nuan bakanya aka Simpurai,Pia ko Kumang.Enti maia bejako sapa kitai dituLandik nyeru musoi berita?Enti maia betimbang,Sapa kitai rentang ngelala mata?Enti maia bumaiSapa kitai pandai ngator antara?
Amat kitai dituMaioh tuboh, ko Kumang,Tang kitai tu agi jarang,Amat kitai tu maioh diau ditu,Tang kitai agi lapang.
Aku, enti apai aku Rangkang KiraiEnda enggau nandaiLak ka gawai tetagaiMengkang tepagang.Enti aya aku Rekaya MudaEnda enggau ngabang,Lak ka pengawa tebelengkaLalu terumpang.
Nadai meh endu, ko Simpurai,Aku tu enda tau nyelikapPintu tanah lengkap,Baka bap tudong tibang.Aku enda tau nyerungkaiPintu tanah perai,Ditutu kesulai bujang kebembang.Giga aka orang ka lempongBaka pabong tanggong gumbang.Giga orang ka lajuBaka peluru leka bangkang.
NGAMBI NGABANG.
Simpurai ngasoh Bujang Nendak seduai Burong Malam ngambi ngabang.
Lalu Kejang ka iya ari nya,Manggai ba orangDi tanjong Belong Meletup,Munyi ke nyelup pusat bedil meriam.Lalu manggai di Batu Tekup Bedaup,Munyi tekup bandam betan.Nya pangkang Bujang NendakBedada masak,belakang burakKe bepantak ngarong ka punggong.Pangan iya Bujang Burong Malam,Ke begeman begelintum dabong.Tangga lalu tuja tunjan tiki,Lalau ka dijengkau purus sakali.
Nama abar nuan Buat enggau berita?Nama ukum nuan aum chara?Taja aku pinta tampong nuan Buat,Nunda semeliong putus pungkang,Taja aku minta ganti nuan Buat,Nunda titi jamban penyemerang.Taja aku ka nginjau nuanNgambi ngabang.Ngasoh nuan nyapaBujang Simpulang Gana,Berumah di tanah ngabaNgebong ngeruang.Aku nginjau nuan nyapaiSa-Rangkang Kirai,Berumah di tanah peraiTutu kesulai bujang kebembang.
Anang guai dulu, ko Bujang Nendak,Nganti aku nanya indai aku Bendai Besai,Ke berantai burong rindang.Nganti aku nanya indai aku Setawak,Ke rentak tinggi sambang.Lalu nyaut indai iya.Lebu aku nyera ka nuanAnak di selangka dada,Nuan ga endang disadang akuNyapa Simpulang Gana,Tinggang leka rarak mengkenyang.Lebu aku ngandong ka nuanLantang anak, di pun punggong,Nuan ga endang disadang akuNyapa aya nuan Raja Durong,Berumah di kebong tambun miang.
Begari ngena ngepan.
Nya baru geman-geman sengkawan ridan,Nyadoh ka tuboh bepasok ngepan.Lalu melit ka sirat panjaiNyambar kerigai rusok marang.Lalu masok ka simpai rangkiBaka kenyali nepan di rangkang.Nya baru melit ka selabin lalongBaka sengkilong tedong tiangBaru ngadu ka lelaga umba lanjang.Nya baru nangkin berangin sarang pedang.Nya baru nyan enteran balang tunsang.
Nya baru tebang petai pedalai rambai,Nyadoh ka tuboh mupok bejalai.Lalu bejalai nitiPenyurai rumah panjang.Lalu begelih enggau ripihTiang lamba medang.Lalu ensurok lubang penutokRejang julok alu dipegang.Dinga tak lalu nyapaEndu Telu Baning Bekingking,lyak Serindak Tensang Pending.
O, ngetu dulu seduaiPebayu sulu ambai,Aku deka mekal seduai unggalEnggau tikal sirih bungai,Aku deka ngilum ka seduaiGendum pinang tuai,Aku deka nata pala seduaiEnggau lala minyak nyamai.Aku deka ngungkong rekongSeduai ambai sangkong,Enggau ubong luji merundai.Ka peransang tulangSeduai ngambi ngabang,Nyapai Bujang Sa-Rangkang Kirai,Enggai ka seduai rari ka antuKe dumu tisi serarai,Antu Gambi ka serigiNgili ka ai ngulu ka sungai,Enggai ka seduai rundongJabong iko sentagai,Tanggal tempuga bulu ruai.Ukai enda malu di lempeduTangkai kamai enggi seduai,Ka kaban ari apai,Enggai ka seduai enda dataiDi menoa Rangkang Kirai,Berumah di tanah peraiTutu kesulai bujang kebembang.
Menoa Ridun.
Nya baru kejang ka ari nya,Manggai di tanah luchakBaka chukak baur temaga.Manggai di tanah bariBaka asi teda mensia.Nya dipangkangDugu bebaju putong,Dipangkang Ridun betandok rintong.
Menoa Sampok.
Nya baru kejang ka ari nya,Manggai di punggang lalang bebiau,Manggai di bedega jarang lansau,Nya pangkang Sunggong UnggongBedabong jarang,Sunggok-unggok ngerepok batang.
Bansal Bangkong.
Nya baru manggai di buloh lembutBaka taut nyintak juak.Manggai di demam madang resamPalan bujang ganggam nyimpai nyemurak,Nya pangkang KopKe penganggup papong batang,Pangkang Koh ke penyudu gigi gumbang.Kejang ka ari nya,Lalu manggai di rangkang,Ke tau begendang taja bekasetok.Manggai di batu ke nugu sarang terubok,Nya pangkang Sungkau Bandau ngalan,Pangkang Suka Baya ngereman.
Menoa Ringkak.
Kejang ka ari nya,Manggai di tanah lembutBaka empalesut lempuang jelu.Manggai di emperan endor bujang ganggam,Nyan enteran sangkoh lunju.Nya pangkang Riu indu Riga,Dipangkang Ringkak ragak nyawa.
Menoa Tupai.
Kejang ka ari nya,Manggai di kelait nentang nyaitBaka sanggit kaki raga.Manggai di emperingat nentang nyayatBaka pukat sambong jala,Nya pangkang tupai indai jangau,Pangkang Pukang Abang Enseliau.
Menoa Manang Ruai.
Kejang ka ari nya,Manggai di tatai panjai,Alai Matai ke bejalaiNyungah menensam.Manggai di babas tawasNadai uras mesai empeleman,Nya pangkang Bunji mandi pagiSentai landaiDipangkang Bunjie mandi di ai,Nyepan di rangkai.
Nemu ubat ngasoh tegar.
Lengka ka ari nya,Lalu nengah lupakAlai nemu batu unggak papong batang.Tak enda cherok nengah lubok,Nemu batu patok kenyulong tawang.Nya baru chuar-chuar anak kenyuar,Ka nangga wong tujoh gelenggang.Tu baru tuaBuat nguji ka penegarPengering tulang.Enda berias mansa babas,Nemu batu kipas kesulai tandang.Enda berait seduai nengah bukit,Nemu batu tumbit kejungkan kijang.
Menoa Manang Kenyali.
Nya baru manggai di bungkongNgembong pandi madi,Manggai di rajang nunggangSarang belinsi,Nya pangkang Manang LansuMansau kuyu besiring kuning.Nya pangkang Manang Langgong,Besanggol gantong bebatak laing.Lalu datai seduai di kaki tangga,Peda tak bereba mayang pinang.Meda menalan sungkur dupan babi belang.Seduai lalu niki,Meda Manang NyaraBayam batu tapa dada jari.Meda Manang LinsingMegai taring ngeli babi.Meda Manang LansuMegai penyampu tubai kali.Nya baru meda Manang LanggongMegai lupong kulit enteli.Lalu angkat seduai ngimbai iyaEnggau kerigai rusok marang.Lalu bandong seduaiEnggau serungkong denjang seringgang.
Enti seduai ngambi aku belian uchu,Aku tak baru pulai lemai kamari,Enti seduai ngambi aku betawai,Aku tak baru datai pagi tadi.Enti seduai ngambi aku belian uchu,Aku baru pulai belianDiambi Aki Lang Menaul Nyakai,Belian ka lantang daraKe remba baru besai,Ke tabin bebirin deka parai,Enggau ga aku uchu wai.Lalu dima aku lupongKulit enteli kirai,Lalu bejalai kami uchu,Datai kami seberai rumah,Ninga orang bekangau luput,Madah ka surut laya sulai.Ninga orang madah ka udah mati,Ke bebadi nampai Mandai.Beguai-guai kami uchu wai,Nya alai datai kami di pala tangga,Meda sapat tak nyelap tengah ruai,Meda baiya pandangKitang-kitang puting pemanggai.Nya alai lalu engkah ka kami lupongKulit enteli kirai.Udah nya datai kami dinLalu tama ka sapatBekajang ka punggang ampang belulai.Tak gama kami uchu kenyau ari pala,Lalu baring kamiEnggau taring uting babi ngelampai,Lalu terutu kamiEnggau takang mayang ngererai,Nya kena kami nginsitKa antu penyakit,Lak ka tekinsit lalu tekesai.Lalu belian kami samalam-malam,Nyagam Limban mansai Mandai,Lalu rejat kamiNangkap samengat bai pulai,Lalu tama ka kamiDi pala teruna dara pandai.Dia deh dinihari tak nyau tauRentang-rentang deh ibu kumang,Mantang ka belia bandir mikai,Lalu sedum-sedumIya betenun balat utai.Naka deh penyidi kitaDeh Menani kaban Gendai,Naka deh pemisa kitaDeh Begura kaban Matai.Dia orang lalu nangkapSelanjau manok tawai,Dia manang mindah ka nama,Pindah ngagai Pating Aur Gangging,Tau kai kesuling sepu lemai,Pindah ngagai Takang Aur Tulang,Tau kai lanjang Bujang Besai.Udah nya baru belator upah,Lalu ambi perenchit ringgit cherai.Enti apin chukop tu,Ila kami nambah enggau bendai besai,Ke berantai beburong rindang.
Kami ukai ngambi nuan belian ini,Kami deka nanya ka jalai,Ngagai rumah Bunsu RibutKe bepuput jauh malam.Kami nanya ka jalaiNgagai rumah Bunsu Bua,Ke bepangka sereta ujan.Nama utai ditanya kita uchu,Kitai ga saum jalai numpu menalan,Kitai saum tangga numpu tempuan.
Menoa Badak.
Kejang ka ari nya,Manggai di lebakMenoa Badak mati semelih.Manggai di tintingPalan Nading mati tesandih.
BUNSU RIBUT.
Menoa Bunsu Ribut.
Lengka ka ari nya,Manggai di tinting Kaling Alu,Rapas bulu mata nampai.Manggai di tuchong Tangkong Saribu,Ngasoh orang tesatEnda nemu pelimpat pampang jalai.Nya pangkang bujang bulaKe tegana mangka tegalan,Nya pangkang bujang sigatKekijap ngujong reban.Udah nya dinga geguru tampun buba,Dinga gegurong tampun ensenga.Udah nya datai di ai,
O, amat raja mehAya Biau Balai,Peda kerangan iyaBaka intan tampak terang,Peda nuan lupakBaka gerejak batang senapang.Peda sabang jurai enggiAya Biau Balai,Bulih mesai umai luar dandang.Peda sabang lembaEnggi Aya Biau BalaiRapas peda mata nentang.
Datai seduai ba tanggaLalu tuja tunjan tiki,Lalau ke dijengkau purus sakali.Datai seduai di pala tangga,Meda anchau tikaiEnggi Biau Balai Baka ke nginta gawaiKa kulit tibang tampong.Danan anang nuan muputSelulut angin selatan,Di tanah matah lenggam,Ambi anak mensiaKa bingkai chapan biru nakong.Nya baru tebang selumbarBaru lumpak lejar,Bunsu Ribut lalu bejakoMai besilih ngajar.Enti mansa indu daraAnang seduai lina limpang bebini,Enti mansa orang ngandongAnang seduai ngenong limpang bepenti.Enggai ka seduai tesatKa Sedarat Rendang Bangkang,Enggai ka seduai tepejohKa Maloh Langgai Tawang.
Nya baru sida burak-urakBetulak belakang.Bujang Nendak pan pulai ga,Antu Ribut lalu bepuput nyurong mansang.Lalu muput ka rumput rambut ubong,Lalu mapak ka lebak ngeruang darong,Lalu meling tinting nyengkabong punjong,Lalu nyengkau pulau kembayau burong.
PUSAI.
Pusai ninga auh ribut lalu rari.
Nya baru ruya-ruya bunga raba,Nyadoh ka tubohPusai lalu ninga.Lalu taing-taing betebang aping,Lalu nyadoh PusaiBetuboh mansang mending.Pending Pusai ka tanah,Nadai ga ninga tanahKe begagah ngilah sebayan,Pending Pusai ka langit,Nadai ga meda langit bekinsitNaban ka bulan.
Gembi-gembi kemali laki,Nyadoh ka tubohPusai bati rari.Jamah iya selabit tinggal ladong,Jamah iya peredah tinggal ga beliong.Lalu rari iya enda sengapa rari,Tesangkut ka rumput kambin belang.Lalu merengong pala patong iya.Mansa jungkong merebong tumbang.Tak enda tetiki ka rumah diri,Di lempa keruang pungga,Tata ujan nyala nyaya saleka.Enda tetiki ka rumah iyaDi tatai panjaiKena kerekai panas bisa.Lalu niki rumah Bujang Simpulang Gana,Lalu niki rumah Merom PanggaiNgembuan utai saribu guna.Lalu datai Pusai seput-seput,Lalu selelai Pusai rebah luput.
O, parai jadu ulun dulu kitai tu,Nadai agi neresu jemu ambun pagi.Parai meh jadam ulun malam kitai tu,Nadai agi diasoh nguan umai tisi.Lalu pansut Endu Sudan Selenggam BulanSerentam Tanah Tumboh,Garas-Garas Tampak PanasTengah Menoa.Lalu pansut Endu KumangSengilang Bintang,Genarang Tanggui Buloh,Kepai-Kepai NgelayangDi Dandang Danggur Uma.Lalu tata iya enggau buok panjai,Baka sentaba mulai nurun batang.Lalu tata iya enggau buok galong,Baka pulas tekuyong pasang.Nya baru Pusai tekebakDi luak tungkul ati,Lalu angkat Pusai lalu tedani.
Nama utai munoh nuan Pusai,Ngasoh nuan ka mati?Nama utai diketakut ka nuan,Nama utai dikerari?
Aku nadai kala ninga utai munyi nya,Ka aku ngumbai iya gamang,Nadai aku meda kekitangNgantong sarangan.Ka aku ngumbai iya pantak,Nadai aku meda beserakDi bungkong rian.
Banggar nuan PusaiMunyi gelagar mangkang nanga.Bula meletup nuan Pusai,Munyi Ajup nusoi berita.Tak agi belala Pusai nusoi rita,Alai ribut tak bepuputSelundang luntang.Bua ke bepangka enda kakang,Lalu mangka ka tembawai madang rianMeda buah empangan nempala kera.Lalu mangka ka kampongMadang mulong ngupih timba.Ribut lalu bepuput mansang semak,Bua ke bepangka mansang majak.Lalu mangka ka rumah panjaiSahari tajai burong terebang.Lalu mangka ka rumah pandakKa sasetak nyilup remang.
Lapa ribut tu bepuput enda badu,Lapa bua tu bepangka enda tembu?Kada kitai tu enda bisi ngudi muriDi pelangkan babi belang?Kada kitai enda bisi muar kesa,Enggau raga anyam jarang?
Uji sayat ka buok puling pisan,Uji tukop ka beliong di pala riam.
Nya baru kechik-kechik lelayang tasik,Ribut bepuput ngalih ari bilik.Lalu mangka ka jempayan liut,Penungkat benong menaga bujang.Mangka ka telenga atap,Baka bap bubong peninggang.Lalu mangka ka bini Orang Tuai,Lalu tetunggang belia bandir tapang.Lalu tekansat karapBaka kaki sempada nyentang.
O, lapa aku tu beli lansang kedubang?Lapa aku tu lap tulong lansang?
NILIK.
Nya baru setik-setik kayu gemarikNyadoh ka tuboh ati deka nilik.Lalu tilik ari benda kang,Iri ka ai mali nitik.Lalu nilik ari benda kenyalangKe ngenggang taja reraik.Nya baru nilik ari kelawah besai moa,Ke bepending lambing sajengkal tarik.Tilik ari benda tema,Ke dedua bemata itik.
O, patut aku tu bakatu,Peda tanju anak mensiaNyau bisi serunggu langkau babi.Peda anchau tikai enggi anak mensia,Baka ke deka begawai ngidan ka laki.
Nya baru gembi-gembi kemali laki,Kitu ka nuan ambai wai laki kami.Aku deka ngau kutu nuanMesai kutu kera labang,Aku ka ngiga linsa nuanMesai buah bunut tunggang.Tak enda nyaut Orang TuaiSaleka mukut padi bangang,Tak enda nimbas Orang TuaiSaleka beras muai puang.
Enti munyi nyaTerumpang tua Apai Bujang,Nunda tibang sarang padi.Sarak tua Apai Anak,Nunda ayak melaki bini.Enti tua bedua ulun Apai Dom,Enggi nuan ka indu,enggi aku ka lelaki,Enti tua bedua perengka Apai Benda,Enggi nuan periok enggi aku kali.Enti tua bedua tajau Apai Mau,Enggi nuan sergiau enggi aku guchi.
Nya baru tak merejokBujang Simpulang Gana,lalu melandok,Udah nya lalu ngelaguaBaka baya pansut ari lubok.Udah nya lalu nyilak ka pintu tasak,Munyi kiak anak munsang rajang.Udah nya baru iya ngimbai bini iyaEnggau kerigai rusok marang.
Nama kumbai nuan Endu Dara SimbutEnggau serabengai ujong mulut?Enti agi menya amat ga nuanTunang Bugau Balau Undup,Tang diatu nuan udah belakiDiambi janggut undang kerangan.
Nama kumbai nuan Endu Dara Lenta,Tak ngangau balat iga?Enti menya amat ga nuanTunang Bugau Balau Sada.Tang diatu nuan udah belaki,Diambi sawa iba nabau ngeraran.
Aku nyangka nuan bisi semaia jako,Enggau sida di Batang Lalang Merundu,Nyangka nuan bisi pinta bunohKa orang babi gemu besurok batang.
Nyangka nuan bisi semaia jako tandanEnggau sida di Batang Lalang Memelan,Nyangka nuan bisi pinta bunohKa orang manok jelayanKe begeran menaning banjang?
Peda nuan tanju anak mensiaNyin serunggu langkauAnak babi belang.Peda nuan anchau tikaiEnggi anak mensiaTak begawai ngidang pengabang.
O, enti munyi nya,Tebang nyerumbang ambak dabang,Nyadoh kitai betuboh nurun ngabang.O, nama jako nuan tak munyiAnembiak apin besai,Tak munyi anak mitNuan apin tuai.Kati ko menantu tuaKe saribu nadai ditu?Kati kaban anak tuaTak nadai dipeda dudok gelumu?
Nadai, pia ko iya,Ka tua ngangau enda didingaGentalau sera nyawa,Ka tua nyeru enggau leka jakoEnda nyengala leka.
NUTONG.
O, enti munyi nya Orang Tuai,Taung-taung belumpong nibong,Nyadoh ka tuboh ngiga rumbang tutong.Lalu tebang batang terentang rarengong,Lalu sanggit kulit enteli kampong,Lalu tap ka idas pakan tekalong.Nya baru sedia samoa perengka tutong.Sapa kitai tu nuku malu mangkong?
Lalu angkat Bini Lintan ManahKe berumah di tanah lubang mabong,Kadua nama iya Belangkiang TanahPengukoh Bubong.Nya ke benama Dara Limpah,Ke tau betunggah maia bekereja,Kumang Menyarong besanggul gantong,Bedujong ka upong bunga sangga.Nya baru iya lalu ngelempaiKa tutong pengumbai,Enda didinga ari ruai orang siko.Lalu tenchang iya tutong gendang,Enda didinga ari punggang pugu tanju.
Lapa tutong tu dipangkong enda bemunyi,Lapa sebang diterantang lalu enda nyadi,Uji ganti orang malu tutong.
Lalu angkat Ulat BuluKe neritu bauh merabitong,Kadua nama iya berua lajuBetayun gantong.Lalu angkat bini iyaEndu Dara Tunai,Ke selampai lempai baju,Buok merapusu map moa.Kadua nama iya Endu Dara Ridi,Penangkani Aki Simpulang Gana.Lalu tenchang iya tutong gendang,Enda didinga ari punggang puling rumah,Lalu lempai ka iya tutong pengumbai,Enda didinga ari punggai ruai sabelah.
O, lapa tutong dipangkongLalu enda nyengala,Lapa sebang diterantangLalu enda didinga?Enti bakatu nadai kita tanLaban anak dara aku Endu Dara Chanda,Ke mangkang Nanga Temaga Gelang.Kadua bali nama iya Endu Dara Bajik,Datai ari batu lentik merabong kajang.
O, ni nuan tau munyi nya deh apai,Indu kitai sarumah tu maioh pandai,Lebih orang ke tau nesai gajaiNgambi serambai manok menang.Lebih orang ke tau nyelaku pua kumbuNgambi jagu baya butang.Nuan endu anang bejako tau begelih,Nuan endu anang bejako landik bekalih.
Lalu angkat Bini AjiLalu mantai ka punggangAmpang menyeti,Lalu genggam iya enggauPetangan ujong jari.Bai iya pansut ka ruai,Lalu sua ngagai apai karong mengadi.Lalu disengkabong ka iya di rumbangTutong Kulit enteli,Lalu berambuyan ka beringanMarik satali,Bepasak ka leka pelaga ineeEnti agi meranggangSenang enggau belembang lampang besi.Naka ga pemanah pua nuan tu,Enggi teruna dara mereti.
Nama pemanah tuTu ga digaga akuLeboh baru belajar gawa,Ngagai sida mengua tangkai beradi.Uji enti nuan meda enggi akuKe baru tembu gaga lemai kamari.Iya ke baru tekusaiAri lumbai kulit bunji,Iya ke baru dibabakAri turak buloh mati.Tengah enggi aku nya apai,Enda nyalah-nyalah,Baka gajah timpang pahTau bejalai betunda udi.Puling enggi aku nyaNgambi gambar Manang Iling,Tau merening enggau jelingMata tisi.Ukai enda punggang ampangMenyeti aku nya,Ngambi gambar antu gerasiPenat kaki,Ke bediri degi-degiKereja bemunyi nebah nyawa.
Udah sedia perengka TutongUdah sedia perengka ketebong.Sapa kitai nuku maki mangkong?
Uji aku, ko Endu Dara Chanda,Ke mangkang Nanga Temaga Gelang.Lalu tenchang iyaEnggau tandok kijangBepampang ngerundong.Lalu pangka iya enggau tandok rusaKe bepanga mengkang kerubong.Dia sebang lalu nerantangNyentok ka langit,Dia tutong ke merengongNgelambong bukit.Lalu metat-tat daun emperingat,Tutong ke dipangkongBaru ka nyerangkap.Lalu nyerangkap ka kaki bukitPenumboh tangkai padi bangang.Lalu nyerangkap ka kaki bukitPenumboh kunyit meraka batang.Lalu tebang batang kayu gerunggang,Sapa kitai dulu ningaNya kitai dulu nguang.Lalu nerais gerenisPinta keris ambi ka chapan,Lalu manjong tekalongPinta pangkong ambi ka pakan.Lalu begau lemambang panggauPerengka ridan,Lalu belanda lemambang bakaMinta kena maia besimpan.Lalu mansang lemambang tibangDudok ngentam.Tutong lalu rarengong nyadong berita,Sebang ke nerantang inggar didinga.Lalu gembi-gembi kemali laki,Lalu ninga Petara Padi.Lalu ninga deh simpuli padi nubai,Ari gelenggang gumbang begagai.Ari gilik tasik besai.
O nama utai ke bemunyi nya deh wai?Kada enda tutong sida apaiNgasoh kitai pulai,Meda kitai lama udahDi tanah menoa bukai.Kitai udah kena timba Datu NugaEnggau kelaya pinggai pemakai,Udah dibeli Bah DuliEnggau renchit ringgit cherai.Pulai meh kitai wai.Uji lantar ka bidar indu berangai,Tak lepong-lepong indu bangkong,Di tasik mua pemesai.Lalu tarit jit layar ngerembai.
Enti kitai udah dataiDi penyarang rumah panjai,Ukai enda melunggoh kitai ila,Di baroh pan ruai.Tama kitai kulit kayu tibang besai.Lalu bai orang pansut ka ruai,Bai orang tama ka pandong,Ke renjong tengah ruai.Dia lalu serayong orang,Enggau punggang ampang belulai.Lalu dibiau orangEnggau selanjau manok tawai,Ke bedunggol silaiGerunjong matai kaban manang.Nya baru ruya-ruya bunga raba,Lalu ninga Petara Benda.Lalu ninga chawan chubitDatai di langit entilang remang.Lalu ninga rriangkok betandokDatai ari lambok ai nyurok,Datai ari lambok gelenggang gumbang.Nya baru ninga Datu NugaAka Raja Jagedong,Nya Petara Benda RusaBebulu ngena bebingka senggang.Lalu ninga Raja Una,Sereta enggau Datu Temenggong,Nya Petara Benda MenagaBukir moa ninkga beluyang.Lalu ninga TuankuDatai ari ulu tapang betenong,Nya Petara Benda SergiuBukir bulu masak pisang.Lalu ninga Bah DuliDatai ari kaki Tanjong Durong,Nya Petara Benda Guchi,Beringgit tisi bedabong mayang.
Tutong enda badu rarengongNyadong berita,Lalu ninga orang di keresik bungaiBaka kerekai tugong padi.Lalu ninga orang di gerugu pasir pambu,Munyi deru guntor bemunyi.Lalu ninga Sigai Raja Besaimegai menoa,Lalu ninga lantangAnak Simpulang Gana.Bini iya Endu Takang Bindang Biduyah,Telah orang Saripah Adi Tuan,Kadua nama iya Endu LulongSakupong Ati Tanah,Tau besembah di kelasah tikai pandan.
Lalu taing-taing betebang aping,Nyadoh ka tuboh mansang mending.Uji kesai ka nuan tirai imbai satera,Uji kebu ka nuan dimbu belachu panjai tiga.Lalu angkat iya bediri dibatu chandiKe dedegi tuntun dada,Lalu jengok ari batu pesok,Teman bentok tinchin peramata.Lalu pending ka iyaEnggau terinting pending ninga,Peda iya tak Anak China,Belaya bebukut runtoh dada,Bepalu rimpak moa,Berebut ka tekang gemalaKe segenda tampak terang.
NERUPONG.
Enti munyi tu taung-taungBelumpong nibong,Nyadoh ka tuboh nanggong terupong.Uji tanggong terupong pantikKe gerenik besakum temaga.Terupong buloh laungKe pengurong leka mata.Lalu kunchi ibu lidi peti menanyiKe bekunchi nyaris nyawa.Tetukang peti belulangMandang gentilang nyang jera.Lalu tebuka peti lama,Gaga Selampeta enggau Raja Petara.Lalu tanggong iya terupong buloh bala,Tak nyau jerenang linsu jera.Lalu lempai ka di jempayan tuntun dada,Lalu lempai ka iya di peletar tuntun mata.Lalu pandang iyaKa gentilang remang jera,Nadai ga meda utai.Nya baru mandang ngagaiKerepas Rimbas rata,Pandang iya ka BatangLalang bila dua.
O, patut nya bakanyaDeh pebayu sulu mata,Peda nuan tanju bisi serungguLangkau babi menoa,Peda nuan jaul setunggol kesumbaEnggi anak mensiaBaka dada bangau labang.
NGUANG TUTONG.
Raja Tandok Mai Ngabang.
Tebang batang kayu gerunggang,Nyadoh kitai betuboh nurun ngabang.Aku enti kita ngabang bedarat, apai,Aku enda dapat,Kaki enggai nyingkang,Enti kita ngabang bejalaiAku enda enggau,Aku enda kungang.
Nadai ko enggau meh anak,Tu ga gawai datu nuan pemadu nama,Tu gawai isan aku Bujang Simpulang Gana.
Nginjau perau ari Buntal.
Enti munyi nya jepu-jepu apong tematu,Nyadoh ka tuboh nginjau perau.Uji tanya ari Simbang Muing,Ke begunting enda begarunjong.Uji tanya ari Raja UnanKe begeman enda bedabong.Nya ga aki nuan buntal,Berumah di senggal gumbang besabong,Nya aki nuan entana,Datai ari pasir ladaGelenggang matong.
Kati nuan bisi berangaiLundai kemudi,Kami deka nginjau bangkong kitaKe lepong bedinding hari?
O, bisi meh aku,Jerubong aku diaEndang udah sedia kurong kajang,Kemudi aku diaAlah enda nguing ka tumpang.Sengayuh enggi aku diaGenap tuboh nyari rengguang.Kapa nya enda dikena kitaKe nengua mansang ngabang.
Sigai enggau bala iya bebantai.
Lalu bantai ka simpuli padi paya,Enggau begeri tajau rusa,lya ga ngulih ka diriGanggam tapa ngeruga ruang.Lalu bantai ka begeri benda menagaEnggau simpuli padi puya,lya ngambu diri segendaDi belakang kajang.Lalu bantai ka begeri benda guchiEnggau simpuli anak padi,Ngambu diri ngemudiBesendi enggau Aji,Ke landik jari megai kemudiPengilik tumpang.Lalu bantai ka benda Palawan,Sereta simpuli padi jeluanlya ngambu diri ngeluanNgulih ka ganggam lenganNgerumpang batang.
Perau Sigai Bekejang.
Tebang batang kayu gerunggang,Nyadoh ka tuboh mansang bekejang.Lalu babak sauh ujong dugang,Lalu babak turus rinan bujang,Nya baru ngelaboh ka sengayuh,Bulih tujoh puloh nyari rengguang.Lalu tekan ka dayong bulan,Mesai perampan tikai senggang.Kayuh kesai ngelambaiUnai belakang kajang.Nya baru datai di gilikTasik ledong linang,Datai di perua bunga pasang.Nyau madah ka diriIkak lelak tulang.Enti munyi nya,Tebang batang kayu selumbar,Nyadoh kitai betuboh narit layar.Lalu kerembai ka layar besaiDi belakang kajang,Lalu tanggong layar inchung,Baka ke deka ngerurokKebong langit ngeruang.Nya baru mesan ka selatanAngin kenchang,Mesan ka ributKe bepuput enda kakang.Nyau kaung-kaungAngin puting beliongNumbong belakang,Ngenjing rengai-rengai biau-balai,Nerajang tumpang.Perau sida lalu ngelantarBaka pesilar ular kendawang,Lalu nyenuyongBaka adong melunggang empang.Lalu ngimbai pantaiBulih mesai umai luar dandang.Kiba ka pasir mandiWan pari deras entachang.Lalu ngelaung ka batu anggong,Baka perabong rumah penyarang.Lalu nyelepak karang burak,Sarang anak belanak lelang.Kemudi lalu nguingNgagai pulau pasang api,Ke menjadi mau rarendang.Tuju ngagai pulau Jambu,Baka lampu bepagar luyang.Nya ga nama Nanga Limau Janta,Ke bepanga rn.ua pemaioh,Tu ke benama Limau Janting,Ke betumbok tujoh puloh.
Ni menoa Simpulang Gana?Nyin di tebing chat kuningDipuru enggau pugu entemu lalang.Sida lalu angkat ari nyaNitih ka sebak bunga pasang.
Ngerara Pengkalan.
Nya baru tebang kempan berangan ujan,Nyadoh ka tuboh ngerara pengkalan.
Sapa empu pengkalan nyin dehKe belubok dalam genilong,Ke betebing tap keriringBunchol guong,Ke bejelatong ke begeriTajau lempaung?
Nyin nadai ditanya ka nuan.Nya pengkalan aki aku Raja DurongTerubah nanggong pebenongBenda menaga.
Nama lubok ka dalamLalendu nyin deh.Ayan kerangan tingkah batu,Tebing tap keriring guong baru,Bejelatong ka begeri tajau sergiu?
Nyin nadai ditanya ka kita,Nya ga pengkalan aki aku Raja JembuTuai antu kelalu raja.
Nama lubok ka dalam betiku nyin dehTebing tap keriring guong indu,Bejelatong ka pebenong tajau kelabu?
Nyin nadai di tanya ka kita,Pengkalan Chabu Lantang dulu Bunsu Petara.
Nama lubok ka dalam lempai-lempai,Ke ayan kerangan lansar landai,Tebing tap keriring guong besai?Bejelatong ka pebenong tajau rawai?
Nya pengkalan apai aku, ko Sigai.Nya ke dikumbai orangBujang Simpulang Gana.
Perau Sigai Sangkai.
Lalu unjam ka taman rinan bujang,Laboh ka sauh ujong dugang.Perengka sida lalu sikap dalam ruang,Sengayuh lalu engkah ka di belakang kajang.
Tebang petai pedalai rambai,Nyadoh kitai betuboh mupok bejalai.Tangga lalu dituja tunjan tiki,Lalau dijengkau purus sakali.Lalu embing dindingKe perenching linsu terang,Lalu bejalai niti penyuraiRumah panjang.Lalu angkat Sigai ngimbai apai iyaTangkai menimang,Lalu bandong iya enggau serungkongDenjang seringgang.
Nama utai ditutongKa nuan apai tak enda badu,Nama utai diterantangKa nuan apai enda tembu?
O, anak Dayak tuBesai pengawa nguan menoa,Anak Iban tuBisi macham besai kereja.
NGIGA PENGAROH.
Endu Dara Chanda madah ka diri enggai enggau ngabang enti enda mai ubat jadian beri Ini Andan.
Enti munyi nya,Tebang nyelumbang ambak dabang,Nyadoh kitai apaiBetuboh nurun ngabang.
Lalu bejako Endu Dara Chanda,Enti kita ngabang apai aku enda enggau,Enti kita ngabang ati aku lembau.Bini aka aku Sigai ni endaDeka enggau ngabang deh apai,lya ga bisi mai batuSeregang gumbang begagai,Batu reba ke kena wa ka leka benaMelempai di pala pantai.
Aku tak nadai utai dibai.Enti aku enda maiBatu letan enggi Ini Andan,Kena besimpan ngasoh kembai.Enti aku enda mai batu periok,Enggi Ini AndokMesai tampok pinang tuai.Enti aku enda maiBatu tungku enggi Ini Andu,Mesai telu burong beragai,Enti aku enda maiTaring uting babi ngelampai,Enti aku enda mai tandok rusaKe periga bepampang mulai,Nyangka aku enda enggau kita ngabang,Ka Batang Paku landai,Ngagai sida ke bekereja main begawai.Ukai enda malu di lempeduTangkai kamai aku ila,Didudok ka orang di tengah ruai,Di-imbai orang ke punPengawa tuai gawai,Dibandong Lulong seduai Jawai.Ukai enda datai anak bujangLemambang Tangga Lulai,Mai tungkat batangMengkenyang kirai,Mai baju panjaiIrit bejalai nipas lubang.
Sigai seduai Aji mansang begiga.
Enti munyi nya belachauLalang mansau mansang berimba,Nyadoh ka tuboh mansang begiga.
Uji sikap bekal dalam sintong,Uji bai ka garam menggal putong.
Belaboh nanya tuai alai ngiga Pengaroh.
Sapa tuai dulu ditanya,Sapa tuai digagai alai minta?
Uji tanya ari sida dara tuai,Nyangka bisi ngelalaiKa di bingkai tanggui seraong?
Uji tanya ari sida dara biakNyangka bisi nginakDi tambak bunga belitong?Nadai kami nemu utai nama nya,Nadai kami nemu utai dipinta kita!Kejang ka ari nya.Uji tanya bujang puang pinggang,Belit belembang lambar ubong.Uji tanya sengkayau ke ngerakauBaroh punggong.Nya Aki Unsak gigi remaung,Nya aki Entika Taring Tedong.
Kati nuan aki bisi meda ensual upaTumboh di paya linang ledong?Kati nuan bisi nampai mengkenyang kirai,Tumboh di tatai Balai Nyabong?
Eh enda aku ngelala,Aku enda nemu nama iya.
Nanya ari Aki Besi.
Uji tanya aki kitai Bujang Lembut,Ke berani surut buyan takut,Lemambang Lulut malut merirangUji tanya aki kitai Bujang Kering,Menyawa taing-taing,Lemambang Besi ApiMenila Rangkang.
Kati nuan bisi meda mengkenyang upa,Tumboh di paya linang ledong?Kati nuan bisi nampai mengkenyang kirai,Tumboh di tatai Balai Nyabong?
Eh enda aku ngelala,Aku enda nemu nama iya.Aku nadai kala narohTegoh saumor nyawa.
Nanya ari Aki Padi.
Lalu kejang ka ari nya,Uji tanya Semukau,Berumah di pulau tajur tanah,Uji tanya SemarutuBunsu Semarugah.Nya Aki nuan simpeli padi nibong,Nya Aki naun simpuli padi jaung.
Kati nuan aki bisi meda ensual upaTumboh di paya linang ledong?Kati nuan bisi nampaiMengkenyang kiraiTumboh di tatai Balai Nyabong?
Nadai aku nemu utai nama nya,Aku enda nemu utai ke dipinta kita.
Nanya ari Aki Tuchok.
Lalu kejang ka ari nya,Uji tanya Kerutu Ulat Bulu,Mangkang ulu tapang betenong.Uji tanya engkeyan dananPengukoh bubong.Nya aki nuan TuchokTau tindok melaling bungkong,Nya orang ke bukirRusok muchok rebong.
Kati nuan aki bisi nampai mengkenyang kiraiTumboh di tatai Balai Nyabong?Kati nuan bisi meda ensual upaTumboh di paya linang ledong?
Nadai aku kala meda,Aku enda nemu utai nama nya.
Nanya Aki Sandah.
Kejang ka ari nya,Uji gagai Raja Jubang,Berumah di punggang nyang sinja.Uji gagai Renggan Mudai,Berumah di tatai mandong kerapa.Nya aki nuan Sandah,Ke bejulok nyabur tatah,Ngerunchah ka darahNyerenang gadong.Kadua nama Belangkiang TanahPengukoh bubong.
Kati nuan aki bisi nampaiMengkenyang kiraiTumboh di tatai Balai Nyabong?Kati nuan bisi meda mengkenyang upaTumboh di paya linang ledong?
Aku nadai kala meda,Aku enda nemu utai ke nama nya.
Nanya Aki Rioh.
Kejang ka ari nya,Lalu manggai di Sugu-uguBetungku besi,Sanggam Anggam ganggam lenganTapa jari.
Nya aki nuan Rioh,Tau mupoh di baroh sabang bakong.Kadua nama iya bebaju ipoh sapai tekalong.
Kati nuan aki bisi nampaiMengkenyang kiraiTumboh di tatai Balai Nyabong?Kati nuan aki bisi medaMengkenyang upaTumboh di paya linang ledong?
Enda aku ngelala,Enda aku nemu nama.
Nanya ari Aki Burong.
Uji tebang beleti tundan tinggi,Denjang batang gerunggang lampong.Nya baru kitai nanya ngagai aki diri,Penatai tuai ari aki burong.
Nanya ari Aki Nendak.
Uji gagai orang di sungaiRintai lulong,Uji gagai orang di lebakPanchor wong.
Nya pangkang Siba IbaApai Pungga Agang Gemurai.Kadua nama iya Sibal IbalApai Tangkal Puting Pemanggai.Nya aki berada apai nuan NendakBedada masak belakang burakKe bepantak ngarong ka punggong.Kadua nama iya berani ati agi biak,Bejulok Sungkak Papan Ladong.
Kati nuan aki bisi ngembuan taringBabi ke nyadi ngelong ka munong?Kati nuan aki bisi nemu tandok rusaKeperiga mengkang di kerubong?
Nadai, enda kala meda,Kami enda nemu utai nama nya.
Nanya ari Aki Kelabu Papau Nyenabong.
Uji gagai orang di empelaiTinggi bandir,Uji ngagai orang di nyelutongKe dibandong kayu ukir,Nya dipangkang Jimbun Bulan,Ngemata ka enturan jalai Gambang.Kadua nama iya KachendaiBerindik di punggai ja-a pemangkang.Nya aki berada apai nuan KelabuLachau Buntu Papau Nyenabong.Kadua nama bejulok Apu MauNulang perabong.
Kati nuan akiBisi ngembuan batu letan,Enggi Ini Andan tau kenaBesimpan ngasoh nyurong?Kati nuan bisi ngembuanPeriok enggi Ini Andok,Mesai tampok pinang beradong?
Nadai aku ngembuan utai nama nya,Enda aku nemu utai ke dipinta kita.
Nanya ari Aki Beragai.
Uji gagai orang di segaSalempa wi selagaiBujang Sebabang Bunga Ringkai,Nya aki berada apai nuan Beragai,Ditelah orang samatai manang burong.Kati nuan bisi ngembuanBatu letan enggi Ini Andan,Kena besimpan ngasoh nyurong?Kati nuan bisi ngembuanBatu periok enggi Ini Andok,Mesai tampok pinang beradong?
Enda aku nemu utai nama nya,Enda aku nemu utai ke dipinta kita.
Nanya ngagai Aki Pangkas.
Kejang ka ari nya,Manggai di tinting tengang ruji,Munyi dara melanyiNgentun tali kelapong ruding.Manggai di punggang buloh lalang,Munyi bujang mekangNempap sambang rumbang kesuling.Nya dipangkang Lachau Kuring,Lansik merening bara api.Langgong Janang berani kempang,Nyundang ka banang mata seligi.Nya aki berada apai nuan PangkasRemaung Raras kelili panjong.Nya aki berada apai nuan Kutok,Bejulok santok lunju begelong.Kati nuan bisi ngembuanBatu letan enggi Ini AndanKena besimpan mali langkang?Kati nuan bisi ngembuanBatu periok enggi Ini Andok,Mesai tampok buah pinang?
Enda aku nemu utai ke nama nya,Enda aku nemu utai ke dipinta kita.
Nanya ari Aki Bejampong.
Uji gagai orang di tuchong tugong bas,Baka pala tedong lelaki.Uji gagai orang di tinting Tibak Rias,Baka reban nganti hari.Nya pangkang duat igat Kengkang Kerama,Nya pangkang bujang Junggo Menoa.Nya aki berada apai nuan Geliga Tandang,Telah orang Bujang Sambai Bejampong,Kadua nama iya Berayang TangangPenatong Adong.Kati nuan bisi ngembuanBatu letan enggi Ini Andan,Kena besimpan ngasoh nyurong,Kati nuan bisi ngembuanBatu periok enggi Ini Andok,Mesai tampok pinang beradong?Enda aku nemu utai ka nama nya,Enda aku nemu utai ke dipinta kita.
Nanya ngagai Aki Embuas.
Uji gagai orang di tatai panjaiBaka bingkai tanggui seraong.Uji gagai orang di lengkap,Baka bap moa lupong.Nya dipangkang Raja TakaKe betelaga baroh rekong.Nya dipangkang Mau ManjanKe begeman nangkup dabong.Nya aki berada apai nuan Embuas,Bejulok kipas Sibui Jabong,Kadua nama aki nuan Embuau,Ka bepanggau tinggi padong.Kati nuan aki bisi ngembuanBatu letan enggi Ini Andan,Tau kena besimpan mail langkang?Kati nuan bisi ngembuan batu periokEnggi Ini Abdok Mesai tampok buah pinang?
Enda aku nemu utai nama nya,Enda aku nemu utai dipinta kita.
Nanya ari Aki Ketupong.
Uji gagai orang di tebing buloh kuning,Munyi kesuling panjai seput.Uji gagai orang di demam madang resam,Munyi dara ganggamBekachu malam taja kedengut.Nya dipangkang sebabang mali lebu,Nya aki nuan Bekubu Entis BuluBurong Ketupong,Nya aki nuan Jaloh pangkoh tubohKe bepiuh ngarong ka punggong.Kati nuan aki bisi ngembuanBatu letan enggi Ini AndanKena besimpan mali langkang?Bisi ngembuan batu periok enggi Ini AndokMesai tampok buah pinang?Enda aku nemu utai ka nama nya,Enda aku nemu utai ke dipinta kita.
Nanya ari Aki Burong Malam.
Uji gagai orang di lembangMadang senggangBaka lanjang bulu burong.Gagai orang di lempa madang lembaBaka laga tandok labong.Nya pangkang Burong Malam,Ke begeman nangkup dabong,Nya berada aki nuan KesuwiSakunding Mupong.Kati aki nuan bisi meda batu letanEnggi Ini Andan Kena besimpan mali langkang?Kati nuan bisi ngembuanBatu periok enggi Ini AndokMesai tampok buah pinang?
Pagi tadi uchu, bisi aku ninga iyaMeraya nyabak teki-teki,Pinta punsi ka orangKeri tebu tengang.Nyerumba telenga tikup atapBisi ga aku ninga iyaMeraya nyabak ringat,Pinta sipat ka orangKechuat tungkul pisang.
INI ANDAN.
Manggai di menoa Ini Andan.
Enti munyi nya uji gagaiOrang di sungai Lilih Bulan,Uji gagai orang di kerangan tabor intan.Nya menoa Ini Andan buban pala bubun ajiAgi ga iya sebak diguang bujang.Kati ko Ini Andan enda bakanya,Iya ga ngembuan batu kupakKulit melaban mipau umbang.
Nepok Ini Andan.
Nya baru lentok-lentokLanggai manok,Nyadoh sida Sigai Betuboh berengkah nepok.Lalu jeput ka lulut mudor mati,Lalu pantang ka merirangMenjadi ka api.Lalu angkat SigaiMenjadi ka api tengah ruai,Lalu tabak ka iyaDedak bunga rangkai,Kena nepok Ini Andok ke tindokDi retok alang lekai.Lalu nyapa deh Endu lyakSarang kutak ubat padi,Nyapa Kumang Cherembang BintangSarang lemambang menang bebeli.
Anang kita nganu ini aku, Sigai,Enggai ka ini aku lepa laya parai.Enti gawa nadai agi alai aku nanyaMuntang pua bali belulai.Enti aku nganyam selok,Nadai nunjok ka aku buah lingkokNgambi rayok aur nyuntai.Aku enggai ka ini aku sepa laya parai,Enggau sida sabayan ka danjan lama nadai,Enggai ka enggau orang diauDi seberai ninting lanjan.
Lalu angkat Aji menjadi ka api,Lalu tabak ka iya dedak bunga nanyi.Lalu nyapa Kumang Cherembang BintangSarang lemambang menang bebeli.
Anang kita nganu ini aku, Aji,Aku sayau ka ini aku sepa laya mati,Enti gawa nadai agi alai aku nanyaMuntang pua baroh hari,Enti aku nganyam selokNadai agi nunjokKa aku buah lingkok,Ngambi rayok aur bediri,Enggai ka ini aku sepa laya bebadi,Enggai ka enggau orang niti jampan penguji,Enggi sida sabayan ke danjan dulu mati,
Tekalih ati belaboh rawan.Kita ga enda nemu aku tau tilitDi burit peti nanyi,Kita enda nemu aku tau belaba,Di jangka dalam ati.Kita nampong keluluLeka jako pekirum pesan,Kita ga nampong kerejaAnak mensia baroh bulan.Nya baru iya ngambi sutar taliEnda kala dibuka,Gaga tuai Lawai kalia jaga,Nya baru iya ngambi keban bunyi,Enda kala telenga saumor nyawa.Nya baru Sigai seduai AjiNgeripit di burit belansai apong,Nya baru seduai nyimpanDi bungkan buloh laung.Lalu ma seduai pelawik ka belakang.
PULAI NGIGA PENGAROH.
Sigai seduai Aji pulai.
Nya baru betebang petaiPedalai rambai,Nyadoh tua betuboh bebai pulai.Lalu kejang ka langit landaiBaka pejalai kapal asap.Lalu kejang ka langit landong,Baka lumpong tajong sarat.
Manggai di Menoa Bulan.
Kejang ka ari nya,Manggai di penjurai langit landaiBaka bingkai tanggui genarang.Manggai di punggang langit burakBaka kerimpak ladang sarang.Nya menoa dipangkang Setia,Ke benama tiga puloh,Nya pangkang bujangTinggi danjang,Ke begitang mali laboh.Bini iya Endu SudanTau bejalai malam nyelam rau,Kumang tampak terangTentang bulang mata saribu.
Manggai di pendai Sengalang Burong.
Kejang ka ari nya,Manggai di daloh sungai buloh,Ulu iya berauh munga ketunsong.Manggai di sungai nanapMadang engkalat,Ke dipantap ambi ka panchong.Nya pendai Aki Lang,Benjulok pandok ranggangSundang surong,Nya pendai Aki Lai,Bejulok unggun legaiApi mau nadai bepapong.
Manggai di Menoa Raung.
Kejang ka ari nya,Manggai di batu senggal,Baka tangkal gigi tangga.Manggai di tebing ninding,Entak pating sabang tekura.Nya dipangkang Raung Bungang,Belanjang selong,Dipangkang Raung Buntat,Lebat jabong.
Manggai di Menoa Raja Durong.
Kejang ka ari nya,Manggai di urat gelenggang pansap,Tau alai ngali ubat simpulai padi.Manggai di tanah gelenggang tarah,Tau alai bulih tuah menang bebeli.Nya dipangkang Raja Durong,Bejulok Lumpong Tibang Bebaring,Kadua nama iya Dambar GetahKe berandah mandang tinting.Bini iya Endu Dara Talun Pelangka,lyak Kuta bedinding hari.Kadua nama iya Kumang Subang Bekaki.
Manggai di Menoa Jembu.
Kejang ka ari nya,Manggai di seletak bintang banyakBesapak enggau sedan bulan peranama,Berumpak enggau anak bintang Melanau.Nya dipangkang Raja Jembu,Ke dudok di batu dinggai-dinggai,Dipangkang Meta Raja Pengibai,Bini iya Kumang Baku Pelimbang,Ngembuan lemambang ubat pengembaiEndu Endat Baku Kansat,Ngembuan Ubat Simpulai Umai.
Manggai di menoa Bengkong Apai Kuang Kapong.
Lengka ka ari nya,Manggai di dan mengkokKe penindok raja jelu,Batang ke beguyang jadi rumah.Daun ke sebumbun nadai bepesu,Tarok ke dikempok jadi buah.Nya menoa dipangkangBujang Tangga RirangPenimba tenang batang danau,Nya dipangkang Bengkong,Apai Kuang Kapong,Ke tau manjong kalau-kalau.Bini iya Seri Bangi betachak sulong,Cherembang Bintang besanggul tangkong.Kejang ka ari nya,Manggai di embawang belubang,Alai Dara CheridaKe becheremin tampak moa.Manggai di puchok nyiur beguyangKena pandang panas bisa,Nya dipangkang Bujang Kuang Kapong,Nya dipangkang Nira Raja Burong.Bini iya Endu Sudan,Ke penyulam sabok simpong,lyak Tekarak Bekungkong Rekong.
Manggai di menoa Bunsu Petara.
Kejang ka ari nya,Manggai di menalan palan betajarKena langgar pedang changka.Nait ka bukit pangka ngitarLantar sumpit tibong temaga.Ngebu ka terumbu sarang ular,Anang telengga bara rindangNgemata ka pedunian ayam rajaNyabong ka tuchong gunong gemala,Bula tinda kechirira tampak terang.Manggai di punggang batu beruaKena pansa beras kuningKe perenching mandang punggangJalai raya.Mansa lubang sawaKe ketawa rising-rising,Ngading sentika.Mansa engkeramba gaga KelingBaka ke deka gila angkat beladang,Nya dipangkang Datu Siko Tuan Baginda,Nya dipangkang Bujang Pasang SarihKe bepurih bulih benda,Bini iya Biku Bunsu PetaraPantan Inan Jadia.
Manggai di menoa Selampandai.
Lengka ka ari nya,Manggai di munggu madang pudu.Ke diteku gelong ka tuong,Ambi orang ka indu tau padi.Manggai di lembang pungga agangArang tebelian,Alai nyepoh pedang bujang berani.Nya dipangkang Selampetoh,Kai tau ngamboh rentang-rentang,Nya dipangkang Selampeta,Kai landik nempa ngaga orang,Nya dipangkang Selampandai,Kai berumah di tatai bandong tebiang.Bini iya Endu Dara UpaNgemata ka bunga besi tenchang,Endu lyak ke betanggui layu sundang.
Selampandai nyepoh kitai mensia.
Nya baru jayuh-jayuh betebang ipohSelampandai nyadoh ketubohBerengkah nyepoh.Orang ke burok sepoh semina tunjokLak ka tindok langa-langa.Orang ke bula sepoh lengkaLak ka mua nusoi berita.Orang ke bagas sepoh di dulang teras,Lak ka pas ngaga raga.Orang ke berani sepoh di dulang besi,Lak ka berani muai nyawa.
Datai ba Menoa Pengaroh.
Kejang ka ari nya,Manggai di tuchong Balai Nyabong,Ke pengurong manok banda.Manggai di tatai tipas langgaiRuai ransa.Nya tinting madang taringTaja bekachukak,Nya tuchong madang puchongPeneka ngebak.Ditu kitai mai ubatSerangkap genap nadai ketimpang.Ditu kita mai pengaroh,Ke dibai kitai ngabang.
Nya baru nengelam ari dunya nyin lalu pansut ba dunya tu ari pun kayu malam.
Lalu nengelam sida ari pun kayu malam,Ke engkeleman lama petang.Lalu nyapa ari pun kayu raya,Ke bekelita nadai orang.Lalu rembus di temuda madang lalang,Lalu rembus di temuda madang kelindang.Nama menoa tu ditu deh?Lalu bejako Raja Jembu,Tu menoa anak aku Simpulang Gana,Tu menoa anak aku Raja Sua.
Niki di rumah Simpulang Gana.
Nya baru tangga ke tuja tunjan tiki,Lalau ke dijengkau purus sakali.Nyau bejalai niti ruai,Nyau kepai-kepaiPejalai sida Sigai,Baka kesulai lemaiKe terebai sabong petang.Lalu bejalai lanji-lanji sida Aji,Baka kunchit kemali niti dan lintang.Lalu tekusai deh ma SigaiDi tengah ruai,Dinga tak berangangai pegari sabak,Tak tebuka deh ma Maga,Dinga tak ka-a sidak-sidak.
Bini Simpulang Gana mai ngabang.
Tebang batang ambak dabang,Nyadoh kitai anakBetuboh nurun ngabang.O, anang guai indai, ko Sigai,Kati ko enggau anak biak enggi kitaiTak bedau nyabak apin diperindang.Kati ko enggau anak tuai enggi kitaiBedau apin dikemilai,Nunda indai sentawai tapang.
O, enti munyi nyaTak lenga-lenga anak puna,Ka ngua amba ribu tengang.Tu baru kitai anak deka berengkah berua,Ngading betimang.
WAWa Batu
Lalu begari bini orang tuai,Lalu nempap singap rawai bepuncha.Lalu meling sengkiling wang bunga,Lalu ngara ka tumpa gelang segala,Lalu ngelepi ka sakali sanggul rinda.Pala iya ditata enggau lala minyak lunda.Lalu ujak ka iya tisir tinggi,Baka jereki tiang pancha.Nya baru iya bechereminDi gulin burit benda,Nyeremin moa tampakBaka senayak bulan peranama.Nya baru iya nyerungkaiBungkus saratus bali mensuga,Lalu digenggamEnggau petangan jari dua,Lalu bai iya pansut ka ruai,Lalu ngebu ka pintuKe bedaru bandir chenaga.
Peda iya tali waUdah kunda-kundaDi jangka sengkar menawa.Meda tali unan tak udah meruanBerimbai dua.Lalu betimang indai bujangNebah penyambang sera nyawa.Lalu bejako ibu enduKe bekelulu nusoi berita.Uji surong ka aku deh lantang anakTampang gelang kelayuKe berega lumor satuBeri Antu Bunsu Petara.Uji surong ka akuTampang gelang kelayu mudaBeri SelampetaKe tau nempa teruba iya.Nya ga karong semilu batu ansahUlih apai nuan nanggongDi sungai ai bah,Alai iya nanggong jeritan sandahKe madah ka pajar merekahMandang dunya.Nya karong batu galang,Ulih apai nuan menyaAri Nanga Batang Rajang,Iya nanggong laba kijang,Iya mai pulai pimpin kendawangKe chinang baroh nyawa.Nya alai bekau tu ilaIya dibai tandang kita ngabangNgagai sida di Batang Paku nanga.Engkah ka orang di panggauKe begurau tuntun dada.Nya alai lalu diambi orangMai salanjau manok banda,Bai orang bejalaiNiti penyurai rumah raya.Nya baru orang ngengkah ka iyaDi dulang kayu chenaga,Diengkah orang di panggauGelong pelangka,Diserayong orang enggau punggangAmpang mensuga,Dibiau orang enggau salanjauManok banda.Pagi hari tak nyau terangMandang peretang rumah raya.Nya baru orang lalu ngayangBelalang babi menoa.Nya alai nuan lalu dianjong orangKa kampong tanah rata,Digaga ka orang panggauBegurau tuntun dada,Dia nuan lalu digali ka orang,Ba pelasar pemanah iya.
Nya baru tak kangau-kangau batu mipau,Ngangau ka kamarau bulan peranama,Nyau kangai-kangai batu umaiNgangau ka kamaru panjaiKena ngerekai reban kayu kerapa.Peda tanah tak nyau merekahTeman buah embawang lanja.Peda tak begantong urat nudong,Nadai agi ka padong raja baya.Nya alai lengka ka enteran jako nya,Enggau berinja sera nyawa.Aku deka ngading indai jemerak,Ke nanak ai tuak,Kelimbak di awak moa benda.Kena mudas ka Embuas gagai Burong Gaga,Berindik di nyawa kijang melunggang.
Wa Besi
Lalu angkat Endu Lulong,Telah Tempukong Ati Tanah,Digelar orang Saripah Adi Tuan.Endu Kumang ditelah orang,Petakang Bindang Biduyah,Ditelah Kelasah Tikai Pandan.Keba alai kaki dara mereti,Kanji-kanji bediriDi segi kerusi rutan.Jari iya betekan di mija ladang papan.
Dinga lalu wa dindang iya munyiLaut Sesang pulai ngempang,Nurut ka seregang pasang malam.Belagu umba besura munyi biniLana rindu gaga tebuka rayaAbis bulan makai malam.Lalu nyapa berada karong menyimpan,Nama pengawa nuan dia,Tak menawa maioh macham?
Au deh indai aku ga agi nindokKa Raja Rambok orang ke dataiAri lambok ai nyurokAri tuchong Gunong Periok,Pechah rimok guntong pesokJumbok ka santok chuan besuran.Aku agi ngadi Raja Rani,datai ari babas kusiTanah ransi alai China Ah KeeKe bekuli mati demeram.Iya ke baru dataiDi tisi rapi nengeriDitaban ka jenuar kapal apiEnggi bini Tuan Bili,Ke bejalai sahari enda berentiNiti besi ka besegi chuan besuran.
Au deh lantang anak pengkuan,Nya ukai serintak nyabak sasedanNya ga leka buah gaga,Iya ga rindu ngabangKa Batang Paku KananRindu dibai orang nepanDi luan kapal jenuarKa datai ari nengeri menoa Siam.Ketawa gaga datai di menoaSungai Pura,Masok di moa kampong Gelam.Dia iya ketawa sikok-sikokNepan di luan kapal Raja BrookeEnda ulih tipok lambok,Gumbang gemuan.Lalu terentak di nengeri SarawakNyelinting geretakNuju awak pasar Padungan.Dia iya semuti ngetuSaminggu enam malam.Laban iya ati pegiNepan jenuar kapal JuliNyelinting nengeri puting pasar.Dinga tak chapoh riohInggar ketawa China PusaBetuboh maioh niti jematan.Tang deh iya bisi tetampaiKa berangai adi sampan,Ke baru datai ari uluPaku tebing kanan.Lalu nambang besi salampangNepan perau bangkong jungkangNurut ka seregang pasang malam.Datai iya di ai kaki keranganDia iya sama sarikat angkat besuar.Tak enda berasai endor sida datai,Ba rumah orang ke begawaiSedia rendai piring penganan.Lalu tuchom ketawa besi mata,Tepeda ka tangga Dayak rumah Iban.Lalu niki ka rumah panjaiMasok ka meligai panggau papan.Ketawa gaga besi bajaNinga nyawa lemambang rarigaKe bejerita maioh macham.Hari pan tawas teringkas merekah pajar,Baru orang muka meligai pua panggau papan,Lalu dipedua orang ke empu pengawaSama bela nadai ngakal.
Nya baru angkat jenawang bujang mipau,Lalu nganjong iya ka kubau langkau putan,Dia iya lalu dibandongBujang lempongEnggau lumpong kayu ruan.Lalu diengkah iya di tanahTinggi nempekok,Di munggu entap neladok,Ari baroh ribut nyurokMunyi tutok lambok Wong Mutan.Lalu digaga ka bujang bula,Pua arang tebelian.Lalu dipenjadi ka Aya LidiApi mau daderam.Lalu puput kebu Aya GayuEnggau lelabu bulu ayam.Taja gurong-gurong sepu siongNampong ujong mulut putan.Tak chinang-chinang besi salampangMelakang undang nempala ketam.Lalu ditanggong Bujang Lempong,Disurong tulong ditan.Lalu digali ka Aya JaliDilenggi pala tempan.Lalu kamang-kamang pandai tukangNenchang iya enggauSebanang tukol pandam.Lalu bebitak tuboh pandakKekayak manjai lengan.Lalu tebuka besi mataBebintar ngeluar chapan,Dia baru dibibit gerama BukitDisepit tarit ketam.Mua pemanjai besi lantaiBebintar mua pengeluar-luar,Baru iya diasoh orang mandi ai angatSungai berasap tuboh sigat besi umatKe tekajat jampat nyelam.Baru iya disaoh orangBambai semilu batu begam.
Lalu perenching tuboh kuningNgambu diri dudokDi paring dan emperawan,Tak jejangah tuboh mudahNgambu diri dudokDi peredah dan tebelian.Taja giut-giut tuboh lembut,Nepan dikarut janit anyam,Bejako duwi-duwi besi keransi,Muji diri berani tajam gerenyam,Lalu angkat Bujang LempongNganjong iya nebangBatang pitoh chundong,Ke libong-libong tumbohDi tengkelong rapi kerangan.Angkat Bujang BulaNguji ka ati berani mutus ngempaBerimba dundong kampong kayu kepapa,Pantang tebang ngapa enggau lengan kibaKe lalu mentula rapi memperan.Lalu angkat Bujang Ganggam,Nguji ka ati ke berani mutus tajam,Nebang batang kayu tekam denjang samilan,Baru iya ati bebendar,Sandih ka tundan tuntong delapan.Baru pantang Aya JangEnggau kabang beliong tajam,Pantang tebok taja retok-retokMunyi pantok belatok malam.Pantap Aya Igat mua pemalat-malatMunyi rejat injin papan.Pantap gaya Bujang MelisaIndah enda munyi geruda injin kapal.Dia umbang tebang tak ngelayangNinggang dagang nengeri ChinaKe tau ngerumpang gudang wangRinggit dichuan.Dia kulit tak teperenchitNinggang Makulit Kayan Mekam.Baru bisi semetikMunyi kikik ketupong kanan,Tak semetak munyi ka masakChagak bedil meriam.Lalu meletop munyi ka nyelop mesin gan,Dia puchok tekam tandokTak berikok mupok tetensam.Batang kedang tulang tak tekejangNaban ka dan.Lalu rebah ka tanah pala memperanNinggang rumah Udut Laut Haji ManRuntoh jempayan pelamatang pinang,Ke ngasoh iya serintak nyabak sedan-sedan,Madah ka diri charik salebuan tikai pandanPechah sengkapan tikai penyembah.Dia ujong tetensam, tengah tengelamPun nadai ayan kena entam belayanPadi nyadi bauh memadang.
Wa Bungkas.
Lalu berua bini Orang TuaiDi unda puting pan,Lalu betayun Indai Endun,Ari kusun kayu kanggan.Lalu betimang indai orangNebah penyambang dabong lancham.
Uji surong ka aku lantang anakBatang pudak entak chundong.Belit labong sakayuBelachu tampong kanggan.Uji surong ka aku batang aur bachaPeguna raja bansa tuan,Uji surong ka aku batang aur surik,Ke gerenik lulong dianyam.Nya ga karong kerubong karong bungkasBatas kilas tau mesan ka panasSintau kamarau bulan lapan.
Ni nuan buntat tandok idup,Ke bejalai kimut-kimut,Dijeput lembut kering digelam?Ni nuan ladin lungga lilup,Pengeraut kukut tuai Iban?Nya ga karong semambu ngandongTengah iya nyintongUjong iya begelong,Baka serumbong api dian.Nya gemala ke segenda panggum chit,Taring uting babi mit,Tandok rusa ke periga pampang besapit,Nya pemuru antu pipitKena ngerari ka antu chitNgambi ka iya pindahKa Kanowit kepit Machan.Nya karong gemalaKe segenda panggum ringauTaring uting babi karau,Tandok rusa ke perigaBepampang runjau,Pemuru antu empangauKena ngebu ka antu alauLak ka iya pindahKa pulau madang bemban.Nya ga gemalaKe segenda panggum tuchok,Taring serenti babi gemok,Enggau tandok rusaKe periga pampang pugok,Pemuru antu sampokEnggau antu senurok,Sintak enggau linsar lambar buok,Surong ngagai Raja Rirong,Enjok ngagai Aki UngkokTikam ngagai Ini Andan.
Nya baru ngabas umai gelai indai anak,Datai iya di ulu punchak lebak,Peda iya retak nadai utai ngalak nyaUmbang iya sapiakTau kena anembiak berumpak tuboh lapan.Lalu bejalai deh indai gelai ibu sanu,Ka tanah belakang munggu,Peda iya labu nadai utai manah nyaBebuah baka gerugu batu kerangan.Lalu bejalai ga indai gelaiMeda entekai bebuah bekarundaiBaka lengguai besai besegi lapan.Meda padi tak mua penyadi kedil belayan.Nya alai tangkai ngambu diri lelaiKa pantai tanah Labuan,Ngambu diri nerekam kemedan sarang wang.
NURUN NGABANG.
Lalu lengka ka berua ngading betimang,Tebang nyerumbang ambak dabang,Nyadoh kitai betubohBala Simpulang Gana nurun ngabang.Lalu betusun baka daunTapang di tebang,Nyau bapit-apit baka anak ititMansang nyemerang.Lalu kejang ka perabong itongBaka tempukong sarang semut.Lalu kejang ka rajang nunggangBaka tugang manok bangkut.Lalu manggai di batang lunggak lunjangPalan kijang lelak berumpak.Manggai di tuchong bandong sinjang,Alai beruang ngiring anak.
Datai di menalan.
Lalu manggai di menoa Situn ItunKe balun mesai kibong,Manggai di menoa Siling IlingKe begenturing baroh rekong.Nya pangkang Kak DendangBagak teratak,Nya pangkang Bangau LabangBetugang burak.
Menoa Manang Jaban.
Kejang ka ari nya,Manggai di menoa manang JabanMangkang sepan babi kepong.
Menoa Manang Ayang.
Kejang ka ari nya,Manggai di tatai panjaiRedai tangkai bunga sesangga,Manggai di lebak panah landakAmbi ka serepak engkuti uma,Nya menoa pangkang Manang AyangAka Bujang Simpulang Gana.Nya menoa pangkang Manang Tuai,Aka tuai Raja Sua.Laki iya Aji Pati PayangPengibun ulun,Menteri Mamang pengibun jaum.
Ni ulun nuan deh PagunNadai kami peda?Ni pengurang nuan manang,Nadai kami tela?
Lalu siat ka iya atap,Bap enggau kebat keberaya bidang,Siat ka atap lamaBap enggau pua bali tengkebang.Nyin ulun Kabong aku uchuMensiang batang mengkenyang ngandongUlih aku meli enggau bejongBungkus samakau.Nyin ulun China aku uchuMensiang batang mengkenyang jeraUlih aku meli enggau salekaPinang mansau.
Menoa Sangkar Besi Pengibun Tibang.
Lengka ka ari nya,Manggai di tanah lengkapMunyi ke nempap moa beledi.Manggai di munggu nyengkuBaka teku bulang taji.Nya pangkang Sangkar BesiSebah berambun,Pedang Belimbi patah besemun,Bini iya Kelam Benyi belapak bentangKeban Api Baku Pelimbang.
Kati nuan enggau kami nandai akiMansang ngabang,Kati nuan enggau kami nenguaNurun masang?
Enda aku enggau kita uchu,Aku tembu ngemata ka terentangDiambi anak mensiaKa tibang gaga ka durong.Aku tembu ngemata ka enteli,Ambi anak mensia ka kulitTibang tampong.
Menoa Menteri Dani Penyaga Panggal Benih.
Kejang ka ari nya,Manggai di tanah nyadiBaka temuli langgu angkong.Manggai di munggu nyengkuBaka teku taji selong.Nya pangkang Menteri Dani,Tampak temuai.Nya orang ke berita didinga Lawai.Bini iya Indai Emelai Kumpai NyelenggiTinggi di lepi sanggul lintang.Kadua nama iya Bunsu Betusu Linyang.Kati ko nuan akiEnggau kami nandai mansang ngabang?
Aku enda enggau kita,Pengawa aku tak bereba nguan menoa.Pengasok aku tak nyumbok nadai lepa.Aku tu ga ngemata ka buah sakemba kembong,Aku tu ngemata ka tangkai rambu ubong.Takut ka orang nungku nempalong burong,Takut ka orang matah ngambi ka dujong.
Manggai di menoa Anda Mara.
Lengka ka ari nya,Lalu manggai di Semambu MarauBaka sumbok tibu pengerang.Manggai di Sega Wi BalauBaka tina pakau bentang.Nya dipangkang Anda MaraOrang raja nadai mantah,Nya orang ke raja nadai ngeluah.Bini iya Endat Baku KansatKebelap Mandang Bintang.Sudan Baku IntanBaka Paduman Ayam Dagang.
Kati nuan enggau kamiNandai nurun ngabang aki?
Aku enda uchu,Laban pengawa aku tak bereba nguan menoa.Laban pengasok aku tak suntok nadai lepa.Aku tembu ngemata ka munti ruyaAnyut datai ari Laut.Aku tembu ngemata kaRambing pending kelinga,Ditanya enda tau nyaut.
Nama nya deh aki?Nya ga karong begeri benda menaga,Nya ga karong guchi raja benda.
Manggai di Batu Ansah.
Nyau manggai di tanah lenggamPalan Ini AndanNgebong ngeruang.Manggai di tanah nyalaPalan Dara AnsaBegilik mata menang bedagang.Laki iya Laja badas bakaChelum genyeling,Kadua nama iya bujang bidikMata lansik ke begilik jauh perening.Nya orang mangkang batu anggongKe beruntong ngiga empu,Orang mangkang batu timahKe belimpah mail lebu.
Lalu datai sida SigaiLalu beguai ngilir ngansah.Lalu datai sida AjiLalu bekenji muai tumah.O, lapa kita tak ngansahBa batu aku enda minta?Kita tak ngansahBa batu aku tak enda nanya.Aku enggai ka batu aku lulutUlih gelam.Aku enggai ka batu aku lichinNempala ikan ngaban.Besai pemusong kita ila,Besai pelimpah kita ila.
Nama pemusong kami deh aki?
Busong bedagang kita menang bebeli,Busong ngayap kita bulih bini,Busong bumai kita bulih padi.Busong ngayau kitaNgara leka balang bedai!
Endang utai dikenyapKa nya aki diambi mimpi.Endang utai dikedekaKa kami anak lelaki.
Manggai di Pintu Tanah.
Lengka ka ari nya,Manggai di tanah lengkapMunyi penyayat nyepu serunai.Manggai di tanah mensulMunyi ke mangkong buncholSambang bebendai.Nya dipangkang Laja Gila EnsuanNgemata ka menalan tanah laduPangkang tegong remaung danPengibun enturan pintu batuBini iya Endu Penyiru HariDatai ari seregu rau meranggang,Kadua bali nama iyaEndu Penyiru BurongDatai ari ungkap nudongPadong ular kendawang.Malik ka moaMeda baka kerapa Nanga Paku.Malik ka belakangMeda tak sempal galang indu batu.
O, tu baru kitai labah tulong lebu,Tu baru kitai nadai jalai enda lalu.
Lalu bejako Bujang Simpulang Gana,Ni kita ke madah ka lengan kanan kitaKe ganggam berumpang batang?Ni kita ke madah ka tapa kiba kitaKe teleba landik mensiang?
Anang guai meh bapa,Lama manok biring tuUdah kinding-kinding deka mintih,Lama kaki tu udah bekenji mai begelih.Lalu bejako orang ke nyaga pintu
Pintu tanah rapit tu enda tau alai kitaBepekit nguji ka ati,Pintu tanah lang tu enda tau alai kitaBeperansang nguji ka pemerani.Nya baru iya ngepai enggau bingkaiTanggui seraong,Lalu tanjal iya enggau gandarTugal bekurong.Lalu tebuka pintu tanah lada,Tau alai tama berimbai dua,Lalu tetukang pintu tanah lang,Tau alai ngabang mansang sereta.Peda tak lalu terang mandang menoa,Peda tak nyala panas kra,Mandang la-a rajang kerapa.
Menoa Rengguang.
Lalu kejang ka ari nya,Manggai di batang pungga pungkangBaka kengkang leka pelaga.Manggai di ungkap ngeruang nyadauBaka kubau Imam Molana.Nya pangkang rengguangKe tau betimang badi-adi,Dipangkang Suka DanaKe tau bekana dinihari.
Menoa Sigan.
Lalu kejang ka ari nya,Manggai di paya madang buanBaka tensang pending indu dara.Manggai di daloh madang mararnBaka laja naban ka pemunga.Nya menoa pangkang SiganBukir lengan, kelingai kala.Nya pangkang SigahBukir pah empelawa jawa.Bini iya Mambu ke bebuluBebaju landakKe pengelunjak antu kudi,Ranyai ka terebai kepak-kepakKe pemuai utai jai.
Menoa Engkemmba.
Kejang ka ari nya,Lalu manggai di seregu rau rangkaiPemulu burong.Manggai di kumpai nyelulaiPatah kejebai tandok labong,Nya pangkang tedong kachaNgipa terumbu,Engkeramba Baba pemuru jelu.Laki iya Nading Gila ngeliling langit,Buau Nyada di tuchong bukit.
Kendi Aji.
Kejang ka ari nya,Lalu manggai di kendi ajiDua berimbaiBalang undang tampak temuai.Nya dipangkang serandaNgemata ka seraka pampang jalaiDipangkang salendikKe tau nilik anak temuai.Nya orang mangkang jalai besaiMua pemaioh,Nya orang mangkang jalaiKe betumbok tujohpuloh.
Kampong Baung.
Kejang ka ari nya,Manggai di kampong baungEnda didinga kesuong nyumboh bujang.Manggai di kampong besai,Enda didinga ruaiMalai di tatai panjai belamatang.
Menoa Aki Dunju.
Lengka ka ari nya,Manggai di kemunting umangKe dirembang baka ke diduju.Manggai di lalang benangBaka ke dipantu.Nya aki nuan Dunju,Berega ka duku,Ibun iko ular tedong.Nya aki nuan langkauNgemeran ka tajau,Ibun likau nabau nyengkilong.
Menoa Durong Biak.
Lengka ka ari nya,Manggai di langgong ngeruang ngebongBaka jong raja Belanda.Manggai di ungkap ngeruang nyadauBaka kubau Bunsu Petara.Nya dipangkang Durong,Bejulok Sukong Lamba JinggauNgelembong ka burit tibang bepunchaJengalang Raja DiauLantang anak Simpulang Gana.Bini iya Endu Sababut Rumput KerajaiTumboh engkilili nisi antara,Kadua nama iya Endu SababutRumput LamanRengai-rengai ngambu diri bambaiKa tetai bintang tiga.
Nya baru manggai di Nanga Jawa Jingan,Alai temuai datai bekembai kajangManggai di titi kawi tebelianNumpu ka sukan tangga bintang.Nya dipangkang Bunsu Petara,Ke ngemata ka kitaiSadunya baroh remang,Nya ngemata ka kitaiBarang ke rajaEnggau ka umang.Bini iya Endu SudanSabambam Balut Sirihlyak ke serintak nyabak kasih.
Kati nuan enggau kamiNandai mansang ngabang,Enggau kami nengua nurun masang?
O, enda aku, laban pengawaAku bereba nguan menoa,Pengasok aku tak nyumbok enda lepa.Enti anak mensia nebasAku rindang ngemata ka sida,Enggai ka terimbas ka pala patong.Enti anak mensia nebang,Aku enda tau enda ngemata ka sida,Enggai ka kena rinding saingPending beliong.
Menoa Ngelingkong — Bansal Perau.
Lalu kejang ka ari nya,Manggai di tebing rarik gadingBaka siring tangkong kenyalang.Nya pangkang NgelingkongKe beberita jelai ngelambong,Nyentok ka kebong langit ngeruang.Manggu ke beberita ngena laguDidinga orang saribu bap remang.Bini iya Endu Dara ChandaKe bedada lengkap ngeruang.Kadua nama iya Endu Dara BajikBelakang ngelentikBaka urik merabong kajang.Nya orang mangkang ai chiru,Baka madu minyak kepayang.Nya orang ngemata ka rantau,Nyandau randang.Dia orang ke mansang ngabangLalu betugong baka lempaungNgembong ka batang.Tak gelumu sida diaBaka tematu kerang kepayang.Nya baru pantap kemunting umangSimbang sakali.
Ni ai tu alai kitai berengkah mandi?
Nyin lubok genilong dalam jebong,Nya ga udah ditikam ka aku duyongMinyak pemandang,Nya di lubok genilong dalam empatUdah ditikam ka aku ubat kabu kelap,Pemampul butang.Nyin lubok genilong lalendu,Udah ditikam ka aku minyak garu,Lak ka tuboh kita balu-alu,Sium pengabang.
DATAI DI PENDAI.
Mandi.
Lalu mandi Bujang Simpulang GanaDi lubok dalam rindaAyan kerangan manah baka.Lalu pansut iya tak ngenggamTandok ikan jok-ara,Lalu sua iya ngagaiPeruji ati sulu dada.Peda nuan pemanah ikan jok-araUkai nya orang tuai,Taja nuan salah tentangEnggau bulang leka mata.Nama nya tak begeri benda menagaKe dedua ningka rengayan.Lalu mandi Raja DurongDi lubok dalam jebong,Ayan kerangan lansar matong.Lalu ngenggam batu tandok adong,Lalu pansut iya sua iya ngagaiPeruji ati sulu idong,Peda nuan pemanah tandok ikan adong.Nama nya tak ukai tandokIkan adong deh ambai,Nama nya tak begeri tajau lempaung,Peda nuan tak bebulu gadong mansau redam.
Lalu mandi KumangSengelang BintangGenarang Tanggui Buloh,Kepai-kepai NgelayangDidandang Danggur Uma,Kadua nama iya SudanSalenggam BulanSarentam Tanah Tumboh,Garas-garas Tampak Panas Tengah Menoa,Lalu pandi empas iyaMunyi empias ujan jarang,Pandi tipok iyaMunyi lambok wong nunggang.Pandi lembau iyaMunyi ke nyarau sibauMansau satakang.
Begari.
Tebang kempan berangan ujanNyadoh ka tuboh bepasok ngepan.Lalu begari Bujang Simpulang GanaLalu melit ka sirat panjaiNyambar kerigai rusok marang.Lalu masok ka simpai rangkiBaka kenyali nepan di rangkang.Lalu melit ka labong lalongBaka sengkilong tedong tiang.Lalu umba iya enggauLaga bulu kenyalang.Lalu bandong iya enggauUpong takang mengkenyang.Depur-depur betebang mudor,Udah tembu mandi lalu betunda sanggul.Sanggul orang ili lantang anakEnda tau ditunda,Bagas rimpi tiki lita.Sanggul orang ulu enda tau ditundaLaban nya kelalu mua pengena.Sanggul orang Layar enda tau ditundaKe luar lapis taya.Sanggul organg Paku enda tau ditunda,Kelalu mentada.Sanggul orang RimbasEnda ga tau ditundaKelalu ringgas baka iko pusa.Sanggul silai sida diBatang Rumpang Landai,Orang ke gawa megai gawaiNya baru tau ditundaBaka penerebai burong puna.Sanggul lintangEnggi sida Batang RumpangBaru tau ditunda,Baka tugang kenyali lia.
Niki Ka Rumah.
Tebang petai pedalai rambaiNyadoh kitai betuboh mupok bejalai.Gari kitai ke jai tinggalKa ba rumah Ini Jambi Alang,Gari kitai ke basah tinggalKa ba rumah Jerah Kumpang Balembang.
Lalu bejalai Bujang Simpulang GanaNengah jalai rindaLalu niki tangga lakaKa bengkeramba dua-dua.Jengkau lalau kerasau buloh bala,Ngema taring uting babi menoa,Enggau tandok rusaKe periga pampang tiga.Ngenjing lenggi-lenggi manah baka,Tempuga iya tak mua pengena,Umba bulu ruai ransa,Ke disalut iyaEnggau bunga rarak mengkenyang.Lalu bejalai Durong niti panti landiBaka pengaki manok sabong.Lalu niki tangga lakaNgengkang dabong,Lalu nyengkau lalauKerasau buloh laung.Ngema taring uting babi kepong,Ngema tandok rusaKe periga pampang nyelundong.Lalu ngena laga umba bulu burongKe disalut iya enggau upong,Balong lawang.
NGALU PETARA.
Bebiau enggau manok.
Kitau-kitau kantok salanjauNyadoh ka tuboh deka bebiau.Lalu angkat Laja nangkap manok bandaKa betada ringkat empat.Angkat Lemandau nangkap manok siduKa bebulu usu rapat.Angkat Keling lalu nangkapAnak uting,Ka betaring mesai kawat.Lalu bejalai niti penyuraiRumah panjang,Lalu ngembing dindingKa perenching linsu mandang.Lalu nengah tempuan nyapan,Kelalin anggam nguku kijang.Lalu begelih enggau ripih tiangLamba medang.
Ngiga ruai endor dudok.
Ni ruai orang ke galang indu batu,Ni ruai orang ke tuga pun kayu?Nya baru dua kaliRengai-rengai mendu ilai,Nyadoh ka tuboh Simpulang GanaKe datai baru nemu ruai.Nya baru tetemu ka ruai orangKe lelabi indu gumbaPenanjak ai dras.Nya baru tetemu ka ruai orangKe beragok rimpak moa,Teleba naban ka reban manok bangkas.Tu baru tetemu ka ruai orangKe tedong indu kachaKe teleba nyengkilong di pun kayu kempas.
Belaboh Dudok.
Nya baru lentok-lentok langgai manokNyadoh ka tuboh Simpulang GanaKe datai bebai dudok.
DENJANG.
Nenjang lelaki Tuai Gawai.
Lapa matahari kitai ke saharituKe pegari mandang tiang?Mata panas enggi kitaiNyau mandang idas pakan melintang.Uji kinsit ka nuan rarit baku tantai,Uji nyeliah nuan buah pinang tuai.Enggai ka nadai jalai anak lemambangTu mansang nenjang,Minching batang temiang kirai.
Lama aku udah meda kita ke sama bela,Ke lelinga dudok lelempai,Ke tinggi di suli labong jebai.Ke ringang-ringangBaka puchok tapang undangWan idang madu nyangkai,Ke ligong-ligongBaka puchok tapang betenong,Kabong burong angkat terebai.Tak mua penakut mehAnak bujang Lemambang EnsilupSasingkang surut enggai bejalai,Tak lembau mehAnak bujang Lemambang Empeliau,Semadi aku ngabis nembu ka gawai.
Tu baru aku nyau ka ngerakit nuanDi leit ladang tikai,Aku ka betapak enggau nuanDudok berimbai,Betapak moa enggau anak bujangLemambang Tangga Lulai.Ari sapiak nuan tuDenjang Bujang Rangkang Kirai,Ari sapiak nuan tu denjang Ngelai,Katiga ngaum nuanKe berintai dudok bedenjang.Tang enti lain kelulu leka jakoAnak bujang Lemambang Tupai,Anang ga nuan mantahEnggau dilah dabong landai,Anang ngemalu tudah akuDi lempedu tangkai kamai.Laban lambu aku tuEnda tau ngeluluKa nuan enggau leka jakoNyampau di rintai.Tandang aku enda nemu nimang nuan,Enggau penyambang dabong landai.
Tu tak lain kelulu leka jako,Anak Bujang Lemambang Tupai.Enti kitai begawai ka leka begumbaBalang begundai,Enti kitai gawai rinduKa pugu buloh tuai,Nemu ga aku ngelar nuanBaka salanjau manok tawai,Ukai enda sayap enggi nuan biap-iap,Munyi terachat gendang kumbai,Kukok nuan tak rauk-rauk,Munyi ka nyentok di keruntokLangit landai.Ukai enda iko enggi nuan tak merunduNipas perau bangkong panjai.
Tang naka nya ga akuNgelulu ka nuan kiaEnggau rasa dabong landaiLaban kitai tu gawai gagaMela menoa baroh peranamaBulan mingkai,Laban ditu kitai ngintuPerigu batu umai,Enda menawa taun kita ka ila,Nyurong ka tangkai.Lalu mansau mehPadi timau enggi nuanSadandang umai.Lalu patah ka nuanPinta tulong batu getah,Pinta saup batu tanah,Lak ka enda mindahMungkal penyedai.Lalu diketau nuanPinta tulong batu randau,Pinta saup batu kamarau,Awak ka menoh ka sintongSampai ka bingkai.Nuan nyau ngangkut iyaPinta tulong batu ribut,Pinta saup batu semut,Lak ka berebut bebai pulai.Nuan nyau nuang dalam tibang,Pinta tulong batu gumbangPinta saup batu pasang,Lak ka nyegang ka tibangMua pemesai.Nya alai sigi enggi nuanKa lenggi rapas japai,Pitak enggi nuanSaserak tuntun kerigai.Nya alai berita nuanSadura jauh jelai,Tak ngelambong berita nuanEnsurok kebong langit landai,Engketik rita nuan ka tasikNaka gilik pantai BrunaiNya alai ninga nya LautPan nyau berebut sampal datai,Dayak tak bela bisi nemuai.Lalu lantar ka Laut Bidar indu berangai,Lalu nengah gilik tasik besai,Lalu tampong iya layar rinchongBaka ke ngerurok kebongLangit landai.Lalu merau ngikut ka pupuGumbang bebungai,Datai ba pengkalan nuan iya lalu sangkai.Lalu tanchang ka iyaDi likang tali panjai,Udah nya niki ka peretangRumah gegiai.
O, jadi rumah nuan Udong Wai?
O, lalu meh Udong Laut Lawai!Lalu dudok di lingkok anyam tikai.Bidik endar nuan nemu aku nyembiSimpuli padi merakai.Nama berita kita deh Abang Lana maioh datai?Nama kabuah kita maioh nemuai?Kami tu ninga berita nuan tak balatBulih simpuli padi nubai.Berita nuan tak ngelambongEnsurok kebong langit landai,Tak engketik ka tasikNaka gilik nanga Brunai.Nya alai kami tu deka meliSimpuli padi nubai,Perenchit bisi kami mai Ringgit cherai,Begeri bisi kami tu mai Tajau rawai.
Au deh Udut Laut Lawai,Saleka enda asoh aku nyayaKa Lingga arong kitai,Leka engketik enda meh asohEngketik ka tasik,Naka gilik Nanga Brunai.
Berapa ni deh nya Udong wai,Nakar ka kami satimpaPanggong sabelansai,Kena kami menohKa perau indu berangai.Bisi ga kami mai ka nuanBuah ati mansang datai,Kena tua bepangan bamat-amatSampai ka parai,Mai ka nuan bebendai besai,Ke betali rantai beburong rindang.
Nenjang Indu.
Bini Sigai tu lama udah dataiDi peretang rumah panjai,Nadai ga aku tu udah meda orangKe empu pengawa pun gawai.Enggau aku berimbai makai pinang.Lalu bejako Bini Aji,Lama aku udah dataiDi peretang rumah entali,Kaki aku nyau penatBediri ngimbai tiang.Tu baru aku nampaiIndai duan burong kenyaliBegamal linga-linga lenggi-lenggi,Tu ila disadang aku ngeluaKa sapi melali lubang.Tu baru aku nampai indaiDuan burong tiongKe linga-linga ligong-ligong,Tu ila disadang aku ngeluaKa upong balong lawang.Uji kinsit ka nuan deh wai mimitRarit baku tanggong,Uji nyeliah nuan belabahPinang beradong.Enggai ka nadai jalai anak lemambangTu kindang-kindangMinching batang temiang ngandong.Lama aku udah meda kitaKe lelinga dudok bebandong.Kita ka sama lenggi-lenggiBaka kayu sawi ulu darong.Kita ka sama ringang-ringangBaka puchok tapang undangWan idang madu ranggong.Kita ke sama nyemelaKa janga bau nyurong.Tak mua penakut mehAnak bujang lemambang Ensilup,Sasingkang surut sasingkang nyurong.Tak mua pengenggai aku bejalaiNengah tikai tudong long.Semadi aku nembuKa kereja Simpulang GanaDi geluga tanah gadong,Tu baru aku nyau deka ngerakit nuan waiDi leit tikai tampong.Tu baru aku nyau dekaBetapak dudok bebandong,Ari sapiak nuan tuAnak Bujang Simpulang Gana,Ari sapiak nuan Bini Durong,Katiga ngaum nuan.Betapak moa enggau anakBujang Kuang Kapong.Enti baka kitai ke gagaKa leka begumba balang bedabong,Rindu ka pugu buloh laung,Nemu ga aku ngelar pintuRawai rimbong enggi nuan,Baka rampai terabaiEnggi Tarang Apai Dungkong,Leboh iya ke ngepongKa perabong putus pungkang.Nya naka aku ngeluluKa nuan tunga kiaEnggau tempenga ujong dabongLaban kitai tu gawai gagaMela menoa baroh peranamaBulan kembong.Laban kitai tu ngintuPerigu batu anggong,Nyeridi ka simpuli padi nibong.Enda menawa taun kita ka ilaBaroh la-a bulan kembong.Ukai enda jari kanan nuan tuUdah ngenggam batu letanEnggi Ini AndanKena nuan besimpan mansang nyurong.Batu tungku enggi Ini AnduMesai telu burong bejampong,Batu periok enggi Ini Andok,Mesai tampok pinang begupong.Ukai enda ba jari kibaEnggi nuan tu tandok rusaKe beperiga bepampang nyelundong.Enggau taring uting babi kepong,Batu pesegang gumbang besabong,Enggau batu rebaKe kena wa ka leka benaMelempai di pala apong.Jari nuan endu mua penyidiNanam sirnpuli padi nibong.Tebekan nuan di tangan ujong kudong,Diuji ka nuan nanam jeluan padi nibong,Ujak ka nuan di lebak ngulu ka bedarong.Dia padi nuan mua penyadiKenyau ari kaki nyentok ka punjong.Tak mua peneka padi paya enggi nuanNgampoh ka tuga kayu merebong.Udah nya tak murai padi nuanNyurong ka tangkai, balat begempong.Udah nya nyau mansauPadi timau enggi nuan,Lalu dipatah ka nuanMinta tulong batu getah,Pinta saup batu tanah,Lak ka enda mindahMansang nyurong.Enti nuan nyau ngetau ilaMinta tulong batu randau,Pinta saup batu kamarauMenoh ka lanji enggau sintong.Enti nuan nyau ngangkut ila,Minta tulong batu ribut,Minta saup batu semut,Lak ka bebai pulaiNgagai peretang rumah chundong.Enti nuan nyau nuangDalam tibang ila,Pinta tulong batu gumbang,Pinta saup batu pasang,Lak ka ngisi tibangMenoh ka durong.Nya alai sigi enggi nuanKa lenggi tuntun rekong,Pitak ka nuan beserakTuntun punggong.Nadai utai mulih nya nuanSimpuli padi nibong,Nuan ga lantang orang ketuaiMegai penyurai rumah belong,Nya alai rita nuanNyau sedura jauh ngelambong,Nyau engketik rita nuan ka tasikNaka gilik arong Kayong.Samoa orang tak nadai endaNemu nuan magang,Ka sereta datai nuntong.Nya naka aku ngelulu ka nuanNgagai bulih simpuli padi nibong,Nanam jenuan padi bindong.Tu baru aku nusoi rita nuanKe agi mit lepong-lepong,Leboh gumi indai nuanKe bepenti ka nuanMali makai lelabi gumba melepong.Dia indai nuan nyau tetenggokKa jerok asam kundong,Nyau ngandi indai nuan dalam isiNgandong di pun punggong.Nya alai chukop semilan bulanPeranama kembong,Nya alai indai nuanNyau beranak ka nuan.
O, indu lantang nuan tu endu,Ko Kejakang Manang Langgong.Nya alai nuan panNyau chukop malam ga,Nya alai lumbi nuan pen nyauKa dianjong sida indai nuan mandiKa ai kaki wong,Mesan ka Ini AndanDatai ari engkeleman bulan kembong,Ke nyandik nuan enggau punggangAmpang belumpong,Belalau ka kanyau kanggan gulong.Lalu pasang ka orang gendangPangkong ka engkerumong,Lalu san ka orangMenira dua bebandong,Nya alai datai lumbiNuan di ai kaki wong,Di lubok dalam jebong,Kaki nuan berindikDi lampang bari andong,Lalu didudok ka orangDi semilu batu anggong,Nya baru orang nabor ka pamping,Piring tepong,Ngangau ka seliu petutu ikan adong,Lalu ngangau ka bunsu genaliGumba melepong,Nya baru nyungga ka palaEnggi nuan endu,Engkadah la-a bulan kembong,Nya alai daki nuan rarat kili,Naka reni pasang nyurong.Nya alai jari kanan enggi nuan endu,Ngenggam kerangan batu anggong.
O, pama deh lantangAnak nuan tu deh endu,Ko jako Kejakang Manang Keliong,Kada enda nyulut anak nuan tu ilaDi kukut jari ujong,Kada enda beluba anak nuan tu ila,Ari berada karong kerubong.Nya manah deh Manang Tali Liong,Nama guna ke baka aku tu,lya ga udah diberi aku mandi di ai,Gaga Seragindi ke tau ngaga aiMaioh betuntong,Nunda adat Bujang Kuang Kapong,Nya pun lumbi kami nemuMeri anak mandi kaki wong.Nya baru lalu unjam ka Manang JabanLetan dua bebandong.Lalu ditanchangKa tugang manok sabong,Nya ka kelai nuan waiMandi di ai rapi matong.Nya alai lalu bai orang pulai nuanNgagai penyurai rumah rarenjong,Enggai ka jamut nuanKena tiup selulut ribut Nyabong,Enggai ka gasan nuanKena tinggang telian,Ujan laboh ngerunong.Lalu niti sentali jalai belong,Dia deh sida indai nuan bisi burong,Ninga Beragai saut Bejampong,Lalu betanya sidaNgagai nyara Manang Tali Liong,Nya alai manah burong kita nya endu,Tampak lantang anak nuan tu ila,Nya ga ngayu ka orang ngundangDi simbang papan simpong,Nya alai nyau dataiDi penyurai rumah rarenjong.Lalu dudok ka orang di ruai,Ba setawak ka rarentak renjong-renjong,Nya baru orang miau nuanEnggau salanjau manok sabong,Manok ka manah buluKe tentu tuntong burong,Manok ke teleba menangDisabong Puntang Medang Seduai Tutong.Nya baru orang natap nuan enduEnggau penchelap batu sirapGemalai kampong,Nata pala nuan enggau lalaMinyak duyong.Nya baru orang mai nuan tama ka bilik,Baka gilik tasik Nanga Kabong,Lalu digali ka orang nuanDi linti tikai tudong long.Lalu kujok orangEnggau punggang ampang belumpong,Dia nuan lalu bebandongEnggau begeri tajau lempaung,Ke bebulu gadong masak pisang.Nya baru sama begulu kitaDi sakayu antu rumah jebongNya baru orang nyimbakKa kujok nuan endu,Enggau petangan ujong kudong.Peda tak pegari panau bangi nuan,Di dai rusok rimbong.Tak nyau beriaPanau bunga enggi nuan,Ka di dada arong rekong.Tak nyau beranti panau keliDi isi rusok nyurong.Nya alai pama dehLantang anak nuan tu endu,Samoa kitai ke mandiSuri dua bebandong,Samoa kitai ke didinga setawakPangkong engkerumong,Samoa lambu kitaiDi sakayu antu rumah belongNadai sabaka enggau lantangAnak nuan tu,Ke teruna ka dara benong lempong.Nuan pan wai nyau ngerembaiDi kerigai rusok nyurong.Baru ka tinggi nuanDi lepi sanggul gantong,Nyau ka beserara nuanAri sida mengua tangkai kerubong,Nyau ka kadiri nuanAri adi benong lempong.Dia nuan pinta ban ka orangSuran papan simpong,Lalu tebang Puntang MedangSeduai Sanggul Labong,Ban Renggan seduai Tutong.Nya alai ukir genturanPapan paji enggi nuanAri kaki baka kemudi kapal Lambong,Ukir kapal berasok enggi nuanBaka ukir Aki Ungkok,Neladan rayok neraja chundong,Ari pala enggi nuan ukir Pungga Nanga,Ke betunga enggau gambar jelu remaung.Nya baru orang nyamak nuanEnggau belabak minyak duyong.Nya alai berita nuan enduNyau sedura jauh ngelambong,Nyau engketik rita nuanKa tasik ledong-ledong,Nya alai samoa lambu orangTak nadai enda rinduKa ngelumu ka nuanDi jelemu upong balong,Ka ngabas nuanDi libas bunga munong.Nya alai sampai ka orang PakuBisi ga deka ngeliu nuanDi kelambu kibong begantong,Orang Semambu bisi ga semaia jako,Ka negu nuan di kelambu belachu gadong,Sida Rimbas bisi ka ngabas nuanDi libas upong balong,Sida Krian bisi ka naban ka nuanDi ratan bunga begempong.Sida Awik bisi ga belandik ka nuan,Di gilik papan simpong.Kitai Suri bisi deka ngambi nuanMai saum kibong.Tang anak lelaki dehTak nadai beraniNguji paji papan simpong.Laban jako menguaKarong kerubong nuan,Tak bejako ngengkangMunyi belembang besi andong,Tak bejako angatMunyi rechap api makai tanjong,End agi menya endang ngiga gumiOrang ke teleba pegiKa nengeri pantai Kayong.Ngiga orang ke teleba nepanDi luan kapal Lambong,Ngiga orang ke lebat ruat jabong.Tang diatu nadai alai ngujiKa ati berani putus kepong,Laban nanga kitai tu udah sempal rajaEnggau menira kubau Belong.Nya alai ka diatu nyau ngiga orangKe pandai dichunggai ujong kudong,Ngiga orang ke teleba ngechap ai dawatKe berembat ngalun gadong.Ngiga orang ke endang masaiMilang wang maioh betugong.Nya alai ni indai nuanEnda sayau ka nuan,Nuan ke mua pemandaiDichunggai tunjok ujong,Nuan ga tau nyelaku pua kumbu,Neladan langgu bunga ketunsong.Nuan ga landik muntangTengkebang ampang belumpong.Nya alai tengah enggi nuanNgambi gambar gajahNumpah ka tanah rampi bedarong.Tisi enggi nuanNgambi gambar antu gerasiBaka ke bediri sabong lindong.Puting flgambi gambarManang IlingKe merening malik ngenong.Punggang ngambi gambar Bajau lelangTimpang berang nadai punggong.Enggi nuan tak lalu tekesaiGa ari lumbaiKulit enteli kampong.Tebuka ari belia bandir midong,Nya alai pua nuan nyaEnda disadang nuan luya ngapa,Enti enda kena nuanNyambut Dayak maioh betuntong.Pua siti enggi nuanKe mua penyelai balat gadong,Nya ka dikena nuanNyerayong anak pegeri tajau lempaung,Kena nuan nyerayong gemalaKa segenda panggum tedong.lya ke begupong mansau mandang.Nya baru anak emperingatDeka mansang nyayat,Lekat di tungkat anak lemambang.Tu baru aku ninggal ka nuan ubat.Sabarang kita ngenjokNya dipuji aku nelapNemu adat kempang bedenjang.Enti nuan penat enduAnang guai angkatNyingkang bejalai,Anang ngemalu tudah akuDi lempedu kandang kamai.Nyadi tadi aku agi muji pemanahLinsar gamal lalempai enggi nuan,Tadi aku ninggal ka nuan tandok rusaKe beperiga bepampang tigai,Tadi aku ninggal ka nuanTaring uting babi ngelampai.Tadi aku ninggal ka nuanBatu letan enggi Ini AndanKena nuan besimpan ngasoh kembai.Tadi aku ninggal ka nuanBatu periok enggi Ini AndokMesai tampok pinang tuai.Tadi aku agi ninggal ka nuanBatu gelenggang gumbang begagai.Tadi aku agi ninggal ka nuan batu rebaKena wa ka leka benaMelempai di pala pantai.Tu-baru aku ngelengkaKa b’atu bingka lia pulai,Tu baru meri nuan ubat jampatBatu pukat empelawa melai,Tu baru aku ninggal ka nuanUbat enda raratBatu singap tekuyong pantai.Nya kena tandang nuan muntangTengkebang ampang belulai.Kena nuan negi ka menyeti bali begajai.Nya alai pua kumbu enggi nuanNyau mansau radu,Ngambi langgu ketunsong ngembai,Tisi enggi nuan ngambi gambar gerasiKe bediri hari lemai.Tak nyulut nuan di kukut mua pemandai,Tak beluba meh nuanAri berada tangkai indai.Tu baru aku mintaSabang ubat pandai enggi nuan wai.Enti sabang ubat padiEnggi nuan aku enda mintaLaban aku udah medaPerenchit ringgit bungai,Laban aku udah medaSasingkap pinggai pemakai,Tang sabang ubat pandai nuanAku nadai medaPesarin tinchin lumbai,Enggau petampang gelang alai,Sama enggau satali luji merundai,Perecha sapu tangan jari megai.Tang ti iya ulih nuanEnggau mengua tangkai indai nuanIya ke ulih nuan meliEnggau simpuli padi rambai,Ukai ga aku enggaiTang aku mintaKe diberi peruji atiSulu ambai nuan wai,Keterubah ngundang nuanDi simbang papan lekai,Ke dulu ngerak nuanTindok jenak mun lemai.Ke nyerara nuanAri mengua tangkai indai.Nya alai sua ka iya ngagai nuan,Pesarin tinchin lumbaiEnggau tampang gelang alai,Tu anang muai ngapa nuan sulu ambai,Geran ka nuan bungkan buloh kirai,Kunchi nuan dalam peti tuntun kerigai,Nyangka nabat kitai taun tu ilaBisi begawai ke semilu batu chanai,Leboh nuan ke didudok ka orangDi tengah ruai,Didenjang sida anak Bujang Tangga Lulai,Enggai ka nadai kena nuanNyabang ubat pandai,Enggai ka nuan maluDi lempedu kandang kamai,Kita ke sama bela dudok berintai,Enggi orang bisi enggi nuan ga nadai,Ukai enda sabentok nya ila wai,Dibai salantang Rangkang Kirai,Pulai ka tanah peraiTutu kesulai bujang kebembang.Sabentok dibai kamiAnak Bujang Tangga Lulai,Dibai kami pulai ngagaiMenoa kami empu,Di landai dan lintang.
PAUNG BURONG.
Simpulang Gana ngiga Paung Burong ba sabelah Rumah.
Taung-taung belumpong nibong,Simpulang Gana nyadoh ka tubohNgiga paung burong.Lalu beburong ka piring penganan,Ka memelan baka bulan rerak rumpang.Tak beburong ka sungki nyadi,Di daun lalang benang.Udah meh kitai bulih paung burong.
Nganjong Paung Burong ka umai.
Tebang petai pedalai rambai,Nyadoh kitai betuboh mupok bejalai.Lalu angkat Aji seduai SigaiLalu datai di babas bali pengerang,Datai di temuda madang kelindang.Ditu meh tua mantap ka paung burong,Ko jako Sigai.Nya alai lalu digali ka seduai iyaSemilu batu chanai,Gaga ka pelasar dua berimbai,Nya baru numbakKa pamping piring rendai,Lalu numbak ka piring pengananKe melan-melan baka bulanPeranama mingkai.Lalu panjah enggau darahBabi ngelampai,Lalu dibiau enggau salanjauManok tawai.Nya baru Sigai nebas babasTanah landaiMadang kerajai,Lalu terimbas ka burong beragai.Naka meh pemanah burong beragai,Ukai nya burong beragai,Nama nya tak pegeri tajau rawaiNingka rengayan.
Pulai nganjong Paung Burong.
Tebang petal pedalai rambai,Nyadoh tua betuboh bebai pulai.Seduai lalu dataiDi peretang rumah panjai.
MULAI KA SAMENGAT.
Riu-riu mumban di batu,Nyadoh ka tubohMulai ka samengat antu.Simpulang Gana pan lalu pulaiNgagai tanah matah radu.Sigai pan pulai ga,Ngayoh ka berangai perau baru.Keling pulai ka tinting Kaling Alu,Tutong pulai ka GelongBaka pebenong tajau baru.
Mulai ka Samengat Lemambang Antu.
Pitak ka kebak mantang di bau,Tu baru deka mulai ka samengatLemambang raja antu.Lemambang Simpang Gading,Pulai ka Tinting Tiang Laju.Lemambang Tangga Lulai,Pulai ka Tatai Buloh Ayu.Lemambang Luong pulai kaTuchong Tangkong Saribu.
Mulai ka Samengat Lemambang ke mengap.
Nya baru chuat-chuat bunga lensat,Pechal duat lemambang tupaiTu baru mulai ka samengat kitaiTak pulai jimat-jimat kitai empatAnang kitai limpang sabarang alai,Lalu ngelumu ka nyatu rian belansai,Nyarau sibau mansau merundai.Nya baru kitai datai di aiKa teleba alai mandi pulai lemai,Lalu nepan ka jamban Bunsu Selampandai,Lalu betipok enggau cherebok nyiur undai.Nya baru niti sentali arong jalaiNuju peretang rumah panjai,Lalu niki tangga laka,Ke bengkeramba anak tupai.Jengkau lalau buloh kiraiNgembing dinding linsu cherai.Nya baru tama ka bilik baikBaka tasik nanga Brunai,Nya baru nyimpan diriDalam palawan tajau rawai,Lalu tudong enggau guongMua pemesai,Lalu kerabat enggau kawatKalingkang dawai.Nya baru kitai nyelapatLubang kilat,Kakijap sabong lemai.Nya baru kitai mampulLubang guntur,Ka temepur inggar begagai.Nya baru nanggam pintu ujan,Ka nelian laboh keberai.Lalu niki ka lenggi lenggang telinsai,Nangga ka tuchong Rabong tampak gegiai.Samengat kitai udah sarikat sama datai,Gayu ko Sentuku, gerai ko Selampandai.
